Notendren'ny Papa François ho Evekan'ny Diosezin'i Tsiroanomandidy i Mompera Gabriel Randrianantenaina, pretran'ny Diosezin'i Moramanga ary Secrétaire Coordinateur-n'ny Fivondronamben'ny Eveka eto Madagasikara hatramin’izao.

Iza moa i Mompera Gabriel Randrianantenaina ? Teraka ny 26 febroary 1969 (52 taona) tany Tanambe, diosezin’Ambatondrazaka izy. Rehefa nahavita ny fianarana ambaratonga fototra sy ambaratonga faharoa izy, dia niditra tao amin’ny Seminera zandriny tao Ambatondrazaka ny taona 1984. Voaray tao amin’ny Seminera Propédeutique diosezianina izy ny taona 1989 ; ny taona 1990 kosa dia tafiditra tao amin’ny Seminera zokiny fianarana Filôzôfia "St Paul Apôtre" ao Antsirabe ; ary ny taona 1994 izy dia voaray hiditra tao amin’ny Seminera zokiny "Saint Pierre" ao Antananarivo.

Nohamasinina ho Pretra izy ny 31 mey 1997. 24 taona naha-pretra izy izao voatendry ho eveka izao. Nahazo ny mari-pahaizana Licence amin’ny Teolojia tao amin’ny Institut Catholique de Madagascar izy ny taona 1997 ka hatramin’ny 1998. Ny taona 2000 ka hatramin’ny taona 2002, tany amin’ny Université Pontificale Urbaniana Roma kosa no nahazoany ny Licence en Pratique Administrative Canonique de la Congrégation pour le Clérgé.

Ireto avy ireo asa pastoraly efa nosahaniny :

  • 1998-2000 : Curé n’ny Paroasy "San Tammaro" any Anosindrafilo, Diosezin’Ambatondrazaka ary Aumonier diocésain n’ny tanora katolika ;
  • 2003-2010 : Tompon’andraikitry ny Distrika misionera Anosibe Anala, Diosezin’i Moramanga ary Délégué diocésain n’ny pastôralin’ny fiantsoan’Andriamanitra
  • 2006 : rehefa natsangana ho Diosezy vaovao i Moramanga, dia nisafidy hiditra ao anatin’ity fari-piadidiana eo anivon’ny Fiangonana katolika ity izy
  • 2010-2015 : Recteur n’ny Séminaire Interdiocésain "Saint Jean-Marie Vianney" ao Moramanga ;
  • 2015-2016 : Tompon’andraikitry ny Distrikan’Anosibe Anala, Diosezin’i Moramanga, ary Délégué diocésain à l’Œcuménisme
  • Nanomboka ny taona 2016 : Sécrétaire Coordonnateur de la Conférence des Evêques de Madagascar ary koa Coordinateur National de l’Association Sacerdotale "Prêtres de Saint François de Sales" nanomboka ny taona 2012.

Dia mirary soa an’i Monsenera Gabriel Randrianantenaina amin’izao andraikitra vaovao nanendren’ny Papa François azy izao.

[Miara-dalana] Zoma 30 jolay 2021

♦ Tontosa ny fitsidihana pastôraly izay notanterahan'i Mgr Désiré Kardinaly Tsarahazana, tany amin'ny distrika Ambinanindrano. Tokony handray ny andraikitra tandrify azy avy ny tsirairay, hoy ny Kardinaly, nanafatrafatra nandritra izao fitsidihana izao... ♦ Hotontosaina ao Analavoka ny fankalazana ny fetin'ny fiantsoan'Andriamanitra, izay hotanterahina ny 6 hatramin'ny 9 aogositra ho avy izao, ho an'ny Diôsezin'Ihosy... ♦ Ny Eglizy, ny fanavaozana ary ny Evanjely, ireo teny telo ireo no fitalahoana hanentanan'ny Ray masina antsika, amin'io vola aogositra ho avy io...

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...