Fandraisana

Mbola eo aminy ny mpampakatra

Alatsinainy 20 janoary 2020 — Herinandro faharoa mandavantaona — Evanjely Masina nosoratan'i Masindahy Marka 2, 18-22 — Misaotra Anao aho, ry Ray, Tompon'ny lanitra sy ny tany, fa nambaranao tamin'ny madinika ny tsiambaratelon'ny fanjakanao.

Tohiny...

Fitsaharan'ny fadimbolana, tontolo manodidina antsika ao an-tokantrano

: Nosoratan'i Randriamanisa Liva Niaina; Lohahevitra : Ampela mihary; Voadika amin'ny fiteny :; Naseho ny : 20 janoary 2020

Dingam-piainana tsy maintsy lalovana ny fitsaharan'ny fadimbolana eo amin'ny vehivavy, ka manahirana raha vao tsy hiomanana. Trandrahana ny fomba fihetsika manaja ny tontolo ao an-tokantrano sy ny manodidina azy mba tsy hanimba ny voahary.

Tohiny...

Masindahy Fabien sy Sébastien

: Nosoratan'i Ratovoarivelo Ndrasantsoa Marie Frédeline; Lohahevitra : Kintan'ny finoana; Voadika amin'ny fiteny :; Naseho ny : 20 janoary 2020

I Masindahy Fabien sy i Masindahy Sébastien no tsaroana ny 20 janoary. I Masindahy Sébastien dia teraka tao Narbonne tamin'ny taonjato fahatelo ary anisan'ny niady mafy niaro ny Fiangonana Katôlika Romana. I Fabien kosa dia evekan'i Roma.

Tohiny...

Mbola eo aminy ny mpampakatra

: Nosoratan'i Rakotomanantsoa Jean Louis; Lohahevitra : Tenin'ny Tompo; Voadika amin'ny fiteny :; Naseho ny : 20 janoary 2020

Tohiny...

Fianakaviana: zokiolona, mpankahery ny tanora

: Nosoratan'i Ratovoarivelo Ndrasantsoa Marie Frédeline; Lohahevitra : Raki-tsarobidy; Voadika amin'ny fiteny :; Naseho ny : 18 janoary 2020

Mametraka tsiahy tsy azo vonoina ao amin'ny tanora ny tenin'ny zokiolona. Ary mankahery azy ireo amin'ny fotoana sarotra. Katesizin'ny Papa François momba ny anjara toeran'ny zokiolona miaraka amin'i P Justolat Rafaralahimboa.

Tohiny...

Pejy 1 amin'ny 15

Voalohany
Teo aloha
1
2
3
4
5
6
7
8
9
10
Manaraka
Farany

2020-01-20 / 11:56:01 - Ho raisin’Antananarivo ny zaikaben’ny FFKM na ny Fiombonan’ny Fiangonana Kristianina eto Madagasikara amin’ity taona 2020 ity . Ho tanterahina ny 23 hatramin’ny 29 novambra izany. Andrasana aorian’izay ny hisian’ny fehin-kevitra hamaritra ny FFKM ho an’ny efa-taona ho avy sy hidirana amin’ny 40 taona vaovao. Tsiahivina fa notanterahina tany Antsiranana ny zaikabe farany tamin’ny taona 2016. Zaikabe izay tanterahina isaky ny 4 taona.

2020-01-20 / 11:54:31 - Hitantana ny Fiombonan’ny Fiangonana Kristianina eto Madagasikara na ny FFKM mandritra ity taona 2020 ity ny filohan’ny Fiangonana Loterana Malagasy, Pastora Rakotonirina David. Tontosa teny amin’ny FJKM katedraly Analakely ny tolakandron’nny alahady 19 janoary teo, ny fandraisany izany fitantanana izany avy tamin’ny filohan’ny FFKM teo aloha, ny mpitandrina Andriamahazosoa Ammi, filohan’ny FJKM. Famindram-pitantanana izay nanamarika ny fanokafana ny herinandro fiaraha-mivavaka ho amin’ny firaisan’ny fiangonana kristianina, notarihan’ireo filoham-piangonana 4 mirahalahy mandrafitra ny FFKM. Ny FFKM izay mbola ao anatin’ny fanamarihana ny faha-40 taonany amin’izao 2020 izao.

2020-01-17 / 17:01:49 - Nahazo fanomezana ahitana fitaovana ara-pahasalamana sy teknina mitentina 4,5 tapitrisa dolara avy amin’ny governemanta amerikanina ny tobim-pahasalamana any amin’ny faritra Atsinanana sy Analanjirofo. Nanolotra izany tany Toamasina, androany zoma, ny tale jeneralin’ny sampandrahaha amerikanina misahana ny fampandrosoana iraisam-pirenena na ny USAID. Lanonana notanterahina tao amin’ny biraon’ny talem-paritry ny fahasalamana any amin’ny faritra Atsinanana. Tafiditra anatin’ny tetikasa ara-pahasalamana ACCESS izay vatsian’ny USAID vola ho fanamafisana ny rafitra ara-pahasalamana eto Madagasikara ny fahazoana ireo fanomezana izao.

2020-01-17 / 16:57:52 - Hosokafana amin'ny alahady tolakandro izao ny herinandro ho an’ny fiombonam-bavaka na ny firaisam-pinoana izay ho tanterahina eny amin’ny Katedraly FJKM Analakely. Fotoana hanatanterahana ihany koa ny famindram-pitanana ny FFKM ka hanoloran’ny mpitandrina Andriamahazosoa Irako Ami ny fitantanana ny Fiombonan’ny Fiangonana Kristianina eto Madagasikara amin’ny filohan’ny Fiangonana Loterana eto Madagasikara, ny pastora Rakotonirina David izay hitondra indray ny FFKM mandritra ity taona 2020 ity

2020-01-17 / 16:54:49 - Ho ambohi-pihaonan’ny mpino avy amin’ny Fiangonan’i Jesoa Kristy eto Madagasikara na ny FJKM ny eny amin’ny kianjan’Antsonjobe, amin’ny alahady 19 janoary ho avy izao. Fotoana hitrotroana am-bavaka ny taom-piasana 2020 sy ho fitondrana am-bavaka ny filohan’ny FJKM, ny mpitandrina Andriamahazosoa Irako Ami mianakavy. Raha ny fandaharam-potoana amin’ny ankapobeny dia hifandimbiasan’ireo antoko mpihira eo anivon’ny FJKM sy ireo nasainy no hanokafana ny fotoana mialoha ny amin’ny 10 ora maraina. Harahin’ny fanompoam-pivavahana izany avy eo. Aorian’izay kosa dia hisy ny antsa an-kira mandra-pahariva ny andro.

2020-01-17 / 16:52:44 - Andrasana ato anatin’ny 3 herinandro ny fijoroan’ny vovonana handinika ny fanitsiana ny fehezan-dalàna mifehy ny harena an-kibon’ny tany eto Madagasikara. Navoitran’ny minisitra tompon’andraikitra Ravokatra Fidinarivo izany nandritra ny fihaonana tamin’ireo mpandraharaha misehatra amin’ny fitrandrahana harena an-kibon’ny tany sy ny mpamatsy vola vahiny teny Ampandrianomby, tamin'ny alakamisy 16 janoary teo. Navoitran’ireo Malagasy mpandraharaha amin’izay sehatry ny harena an-kibon’ny tany izay fa tsy miady amin’ny mpandraharaha vahiny izy ireo, saingy tsy manaiky kosa ny hibaikon’izy ireo azy.

2020-01-16 / 16:40:12 - Nankatoavina tamin’ny filankevitry ny minisitra omaly alarobia ny fifanarahana teo amin’ny banky foiben’i Madagasikara sy ny ministeran’ny harena an-kibon’ny tany sy ny loharanon-karena stratejika. Fifanarahana hametrahana ny tahirim-bolamena eo anivon’ny Banky foibe sy hamehezana ny politikan’ny vola eto Madagasikara. Isan’ny nivoitra tamin’io filankevitry ny minisitra io koa ny fanafoanana ny fanendrena ny tale miandraikitra ny “audit” sy ny “inspection”, araka ny tolo-kevitry ny minisitry ny fanajariana ny tany sy ny toeram-ponenana ary ny asa vaventy.

2020-01-16 / 15:15:33 - Hihena ny vidin-jiro any amin’ny faritr’Antsirabe aorian’ny fijoroan’ny orinasa mpamokatra angovo azo avy amin’ny masoandro. Nankatoavina nandritra ny filankevitry ny minisitra, omaly, ny famindrana ny tanin’ny ministeran’ny fampianarana ambony sy ny fikarohana siantifika, ho entina manorina sy manangana toeram-pamokarana herinaratra sahan’ny orinasa SUN FARMING any Antsirabe, ahafahana mamokatra izay herinaratra miainga amin’ny agovo azo havaoziny izay. Fantatra fa efa nanao ny fifanaraham-pivarotana tamin’ny orinasa JIRAMA ny orinasa SUN FARMING fa hivarotra ny herinaratra vokarin’izy ireo amin’ny vidiny mirary ho fampihenana ny vidin-jiro tsinjarain’ny JIRAMA.

2020-01-14 / 11:56:17 - Nidina ifotony teny amin’ireo faritra be mpivarotra amoron-dalana enyTsaralalana sy Analakely, omaly ny polisy avy amin’ny kaomisarian’ny boriborintany vaolohany na ny CSP1. Nanentana sy nampiomana ireo mpivarotra marobe amin’ny tokony hialan’izy ireo ka hanatona ny kaomina Antananarivo renivohitra sy haka ny torohevitra mba hahafantaran’izy ireo ny faritra tokony hivarotany. Aorian’izao fanentanana izao dia hiroso amin’ny fanesorana ireo mpivarotra tsy ara-dalana marobe ireo ny mpitandro filaminana, manomboka amin’ny herinandro, raha toa mbola misy ireo tsy mety miala.Tanjona ny hanalefahana ny fitohanan’ny fifamoivoizana sy mba hahafahan’ny mpandeha an-tongotra mampiasa ny lalana natokana ho azy ireo.

2020-01-14 / 12:32:58 - Nankatoavin’ny Fitsarana Avo momba ny Lalàmpanorenana, raha ny hita ao amin’ny tranokalam-pifandraisany, omaly, ny lalàna mifehy ny fitsarana nasiam-panitsiana, momba ny taonan’ny mpitsara afaka mandeha misotro ronono. Voarakitra anatin’izany fa azon’ireo mpitsara feno 65 taona ka mbola afaka manohy ny asany ka ilaina, ny mangataka fahazoan-dalana amin’ny Filankevitra Ambonin’ny Mpitsara na ny CSM, hanohy izay asa maha mpitsara izay hatramin’ny faha-66 taonany. Tsiahivina fa efa nankatoavin’ny Antenimiera 2 tonta tamin’ny 13 desambra teo ny momba izany.