28 ôktôbra — Ankalazaina miaraka ny fetin'ireto Apôstôly ireto noho izy ireo niara-niasa tamin'ny fampibebahana ireo jentily. Avy any Canaan i Simon ary nomena anaram-bositra hoe "cananéen" mba hanavahana azy amin'i Simon Pierre. I Jude indray dia rahalahin'i Jacques sy i Siméon, ilay eveka tao Jerosalema.

0 : 00

Izy ireo dia zanak'olo-mpiray tampo amin'i Jesoa. Tantsaha izy mirahalahy ireto talohan'ny naha mpitory ny Vaovao Mahafaly azy. Tany Egypte sy Mauritanie ary Lybie i Simon no nitory teny voalohany. I Jude indray rehefa nahita fahombiazana tamin'ny fitoriana teny tany Afrika dia niverina tany atsinanana ka nitory ny Evanjely tany Judée sy Samarie, Syrie ary Mésopotamie. Nifanena tany Perse i Simon sy i Jude, ary niara-nitolona sy niara-maty tao.

Ny fahasoavan'Andriamanitra tamin'ny alalan'ny asan'izy ireo no nahatonga ny mpanjaka tao an-tanana nanaja azy ka nahafahany nitory malalaka ny Vaovao Mahafaly sy ny fampitana ny finoana. Nisy trangan-javatra iray, nampitombo ny fanajana azy ireo : tigra roa tafavoaka ny trano nisy azy ary nampihorohoro ny tanana manontolo. Tamin'ny anaran'i Jesoa Kristy no nibaikoan'i Simon sy i Jude ireo biby masiaka ireto mba hanaraha azy ireo, ary naverin'izy ireo tany amin'ny trano fitoerany ireo biby ireo. Tao aorian'izay dia nibebaka ho kristianina ny mpanjaka niaraka tamin'ny olona rehetra tao an-dapa, ary Perses enina alina, nibebaka ho kristianina ihany koa. Naorina teo amin'ny toerana nisy ny tempolin'ny sampy ny fiangonana. Tanteraka soa aman-tsara ny fandresen'i Kristy.

Tetsy andanin'izany anefa dia tsy nikely soroka ny fahavalon'ny fanahy, izay tezitra noho izany fahombiazana izany ka nanao izay nanakanana ny fiitaran'ny fitoriana ny Evanjely. Nandeha nitory an'i Kristy tany amin'ny tanana hafa i Simon sy i Jude, te hanohitra azy ireo ny mpanompo sampy ka nampanao sorona tamin'ny masoandro izay notsaohan'izy ireo. Nampirisihan'izy ireo hanolotra sorona teo amin'ny masoandro ihany koa i Simon sy i Jude, fa hoy i Simon hoe : "Ny masoandro dia mpanompon'Andriamanitra ihany, demony no mitoetra ao amin'ny sampinareo, ary mandidy azy ireo aho hivoaka". Dia nivoaka tamin'ny sary vaky nitresaka ny demony. Tezitra ny vahoaka ka nirohotra nanenjika ireto Apôstôly ka namono azy ireo. I Simon sy i Jude moa dia nankalaza an'Andriamanitra sy nivavaka ho an'ireo mpamono azy nandritra izany rehetra izany.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...