29 nôvambra — Raha i Masindahy Saturnin resahana amin'ity daty ity dia zanaka mpanjaka grika. Samy manana ny filazany moa ireo tahirin-tsoratra ny amin'ny fotoana niainany. Ao ny milaza fa iray amin'ireo roa amby fitopolo lahy mpianatry ny Tompo izy, ary nahita ny fiainany sy ny nitsanganany ho velona ary ny niakarany tany an-danitra. Misy kosa ireo raki-tsoratra milaza fa niaina tamin'ny taonjato fahatelo izy.

0 : 00

Ny tena zava-dehibe dia ny votoatin'ny fiainan'i Saturnin, satria mitovy avokoa ireo, araka ny volazan'ireo tahirin-tsoratra samihafa ireo. Na izay nilaza fa tamin'ny taonjato voalohany izy no niaina na ireo izay milaza fa tamin'ny taonjato fahatelo, dia mitovy ny votoatin'ny fiainany. Voalaza mantsy fa nirahina hitory ny Vaovao Mahafaly tany Gaule izy. Eveka izy tamin'izany, maro ny fiangonana naoriny sy ny fanjakan'ny demony noravany. Nahomby ary nahitana vokatsoa ny fitoriana nataon'i Saturnin tany Arles sy Nîmes. Noho io fitoriana an'i Kristy io, dia nampidirina am-ponja izy tany Carcassone, nefa nisy anjely nanafaka azy tamin'izany. Tany Toulouse indray, nisy vehivavy boka, ka rehefa tafavoaka ny rano nanaovana batemy ilay vehivavy dia sitrana ary maro ireo nibebaka tao an-tanana tao aorian'izay. Tsy vitsy koa ireo olona tonga ao aminy, mitondra marary ka ny famantaran'ny hazofijaliana no hanasitranany azy. Nitory ny Vaovao Mahafaly tany Espagne ihany koa i Saturnin, fa niverina tany Toulouse ihany izy avy eo satria tao no ivon'ny iraka nataony izay nandatsahany ny rany.

Rehefa nangingina ny fanompoana ny andriamanitry ny sampy dia nikaon-doha ireo mpisorona fa raha mbola avela hitory an'i Kristy i Saturnin dia ho faty momoka ny fombam-pivavahan'izy ireo. Nampirisihan'izy ireo àry ny vahoaka, ka raha nandalo i Saturnin dia niantsoantso izy ireo hoe : "Avia manolotra sorona amin'ny andriamanitray, raha tsy izany hahita loza ianao", nefa fitoriana an'i Jesoa Kristy no namalian'i Saturnin an'izany. Tamin'io fotoana io dia nianjera ilay sampy tao an-tempoly ary vaky nitresaka. Romotra ireo mpanompo sampy. Tamin'io fotoana io, tao amin'ny Capitole, ilay tempoly lehibe tamin'izany, nisy omby hatolotra hovonoina amin'ny sorona, nofatorana tamin'ny tady mahazaka, ary nafatotra tamin'io ny tongotr'i Saturnin. Nokapohina io omby io ka nirifatra nitaritarika an'i Saturnin tamin'ny tohatra ka nikapoka tamin'ny riran'ny zanatohatra ny lohany. Tafavoaka teny amin'ny arabe ilay omby ary noviravirainy teny i Saturnin mandra-pahatapaky ny tady, ary navelany teo rehefa tapitra ny ainy. Marihana fa teo amin'io toerana nantsoina hoe Route de Cahors na Rue de Taur no naorina ilay fiangonana Notre-Dame de Taur. Teo amin'io toerana nahafatesany io ihany mantsy no nandevenana an'i Saturnin. Lasa fanaovana fivahinianana masina malaza io teorana io, ary voalaza fa tamin'ny taona 402 no nafindra tany amin'ny basilique vaovao ny reliques an'i Saturnin. Basilique naorin'i Masindahy Sylve, eveka tao Toulouse, izy io, ary i Exupère no namita azy ka nampitondraina ny anarana hoe Basilique Saint-Sernin.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...