Alatsinainy 16 nôvambra 2020 — Herinandro faha-33 mandavantaona — Evanjely Masina nosoratan'i Masindahy Lioka 18, 25-43 — Alao tampina ny masoko, ry Tompo, hibanjina ny zava-mahagaga amin’ny Lalànao.

0 : 00

An-dalana miakatra mankany Jerosalema i Jesoa sy ny mpianany, ary manakaiky an'i Jerikao, izy tanana 20 km eo ho eo tsy hiditra an'i Jerosalema. Indro nisy jamba iray nangataka teo amoron-dalana, nangetaheta fahasitranana rehefa nahalala fa i Jesoa no mandalo. Nanana fahatokisana izy, nanana fanantenana fa afaka manala azy ao anatin'ny haizin'ny fahajambana ity Zanak'Andriamanitra. Tsy nisalasala ihany koa i Jesoa, nanontany azy hoe : "Inona no tianao hataoko aminao ?". Tafahaona ny tia sy ny manina. Tsy hoe fihaonana kisendrasendra, fa fihaonan'ny Mpitondra famonjena sy ny manam-pinoana : "Mahirata, ny finoanao no nahavonjy anao".

Fampianarana nasehon'i Kristy ankarihary tamin'izy roa ambin'ny folo ity nanasitranany ity jamba ity, manoloana ny tsy fahazoan'izy ireo izay nambarani Kristy mahakasika ny hijaliany sy ny hahafatesany ary ny hitsanganany ho velona amin'ny andro fahatelo (Lk 18, 31-34). Jamba ny masom-pinoan'izy ireo. Isika ihany koa, mety hanana izany endrika fahajambana izany eny am-pamakivakiana ny fiainana eny, mitovy amin'izy roa ambin'ny folo lahy, tsy mahita sy tsy mahazo izay ambaran'i Kristy amintsika ka toa mitsambiki-mikipy. Manaova àry, ezaka toa ity jamba iray ambaran'i Lioka ity ka hanao dingana, hangataka amin'i Kristy mba omeny maso vaovao mahiratra, hahita sy hahazo izay ataony sy ambarany ka hampihatra izany amin'ny maha kristianina antsika, indrindra ny masom-pinoana hanarahana sy hiderana Azy.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...