Alarobia 18 nôvambra 2020 — Herinandro faha-33 mandavantaona — Evanjely Masina nosoratan'i Masindahy Lioka 19, 11-28 — Raiso ny tenin’Andriamanitra, tsy ho toy ny tenin’olombelona anefa, fa araka ny marina tokoa, ho tenin’Andriamanitra.

0 : 00

Rehefa avy nahita ny fihetsika nataon'i Zake sy ny teny nambaran'i Jesoa ny vahoaka nanaraka Azy hiakatra ho any Jerosalema, dia nihevitra fa tonga miaraka amin'izay ny fanjakan'Andriamanitra, satria efa manakaiky koa ny fotoana fankalazana ny pakan'ny Jody tamin'izay. Manoloana izany fiheverana izany indrindra no nahatonga ny fanoharan'i Kristy momba ny mina folo izay tsy maintsy ampitomboina, entiny ilazana fa tsy mety ny miandry mahazo fotsiny fa tsy maintsy mandray andraikitra. Tsy mety ny maminavina fotsiny fa tsy maintsy miezaka mampamokatra ny fanomezana avy aminy. Hafatra ampitain'i Kristy amin'ireto vahoaka ao anatin'izany fanoharana izany ny hoe misy fotoanany avokoa ny zavatra rehetra, ary tsy maintsy manana faharetana, kanefa kosa tsy maintsy omanina izany fa tsy miandry fotsiny. Manamafy ity voalazan'i Masindahy Lioka ity ny voalaza ao amin'i Masindahy Matio 25, 14-30, izay manambara ny fanoharana momba ny talenta, efa nodinihintsika sy nalahatry ny Fiangonana io tamin'ny alahady teo, mametraka fa "tsy mamela anao hipetra-potsiny ny Evanjely". Koa anjarantsika tsirairay àry, ny mandini-tena eo ampandinihana ity volazan'i Kristy ity : "Mba anisan'ilay nampamokatra ny mina sy ny talenta nomena anao ve ianao sa miandry fotsiny izay hiverenan'ny Tompo sy Mpanjaka ".

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...