Sabotsy 28 nôvambra 2020 — Herinandro faha-34 mandavantaona — Evanjely Masina nosoratan'i Masindahy Lioka 21, 34-36 — Miambena ary mivavaha mandrakariva, mba ho mendrika hitsangana hiseho eo anoloan’ny Zanak’Olona ianareo.

0 : 00

Mampianatra ny mpianany hahalala onona na amin’ny fihinana na amin’ny fisotro ary ny fiahiana izao fiainana izao i Jesoa. Tsy maintsy miady amin’ny endriky ny fakam-panahy isan-karazany izay manara-dia Azy. Raha variana amin’ny fihinanana sy ny fisotroana ary ny fiahiana izao fiainana izao ny fo amam-panahy dia hanadino ny lanitra sy fahasambarana atolony. Tsy maintsy atodika any amin’Andriamanitra ny fo amam-panahy. Mbola mitombona hatrany ny fanentanana sy ny fampianarana ataony na dia amin’izao androntsika izao aza. Maro ny manadino na tsy mahalala na minia tsy mahalala ny fiainana ampanantenainy ka variana miondrika amin’ny tany.

Fomba fitenin’i Jesoa any ho any ny hoe : “Miambena sy mivavaha fa tsy fantatrareo na ny andro na ny ora hiavian’ny Zanak’olona”. Lazainy tany aloha koa fa ho “ankona foana ny olona noho ny fahatahorany sy ny fiandrasany izay loza hanjo izao tontolo izao, fa hiozongozona ny herin’ny lanitra. Dia ho hita amin’izay ny Zanak’olona avy any ambonin’ny rahona amim-pahefana sy voninahitra lehibe”. Mila fahavononana ny fitsenana izany zava-miseho izany. Ny olona miandrandra ny lanitra sy mivavaka fa tsy miondrika amin’ny tany no olona manana fahavononana hisedra izany. Koa manafatra i Jesoa mba hivavaka lalandava ; vavaka feno fahatokisana an’Andriamanitra feno fanetren-tena sy faharetana. Tsy misy mahasolo ny vavaka eo amin’ny fiainana satria io no ahafahana mifandray amin’Andriamanitra loharanon’ny soa rehetra. Raha eto amin’ny Evanjely, ny vavaka no ahafahana miala amin’ny loza rehetra. Na i Jesoa aza teo anatrehan’ny sarotra dia nivavaka ary nitaona ny mpianany hanam-paharetana hivavaka. Noho izany ny vavaka no anovozana ny hery rehetra entintsika miatrika ny fiainantsika. Amen !

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...