Alarobia 02 desambra 2020 — Herinandro voalohany amin'ny Fiaviana — Evanjely Masina nosoratan'i Matio 15, 29-37 — Tongava, ry Tompo, ary aza ela ; vahao ny fatoran’ny vahoakanao.

0 : 00

Vahoaka marobe no manaraka an’i Jesoa, vahoaka noana sy mangetaheta, indrindra ny famonjena izay nandrasany hatry ny ela. Malahelo i Jesoa mahita ireo : dia izay ilay fon’Andriamanitra mitempo, mangoraka, tsy mahajery fotsiny ny fahorian’ny olombelona fa avy mamonjy azy malaky. Fa mba hahafahan’Andiamanitra mamonjy dia tsy maintsy mangetaheta aloha ny olona, maniry fatratra, satria tsy atao an-terisetra ny finoana fa atolotra an-kalalahana. Ny famantarana voalohany fa tonga ny Mesia dia resy ny ratsy.

Nampitombo mofo i Jesoa noho ny fahatsapany ny hanoanan’ny vahoaka nanaraka azy. Mofo avy amin’ny olona no nalaina, nomena an’i Jesoa hampitomboiny, satria mila mandray anjara amin’ny famonjena antsika iska fa tsy zaza toloram-potsiny. Nihinnana ny olona rehetra ka voky, ary mbola nisy ambiny, mitory ny haben’ny fitiavan’Andriamanitra, ny habetsahan’ny fanomezany, ampy anaranam-po. Santatr’ilay fanasana any an-danitra izany.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...