Zoma 04 désambra 2020 — Herinandro voalohany amin'ny Fiaviana — Evanjely Masina nosoratan'i Masindahy Matio 9, 27-31 — Indro avy ny Tompontsika miaraka amin’ny heriny, ary hohazavainy ny mason’ireo mpanompony.

0 : 00

Niantso sy nitalaho famonjena tamin’i Jesoa eto, ireo jamba roa lahy. Nanaraka an’i Jesoa teny an-dalana, ary efa tany an-trano Izy vao namaly azy ireo. Endrik’ilay olombelona nitankaizina fa lavitra an’Andriamanitra Fahazavana, fa endrik’ilay vavaka mila faharetana koa satria tsy baikoin’ny filan’olombelona Andriamanitra fa manana ny fombany, mahefa ny sitra-pony. Ny anjarantsika dia ny mitoky sy miandry am-paharetana.

Notendren’i Jesoa ny mason’ireto jamba ka nahiratra : dia izany no famaritana ny hoe famonjena, Andriamanitra manatsotra tanana amin’ny olombelona. Ilay anarana hoe Zanak’i Davida rahateo moa mitory hoe i Jesoa no Mesia nandrasana hatramin’ny ela.

Tsy maintsy ambara mazava izany finoana izany, izany hoe : i Jesoa no Mpamonjy, ary finoana no tanjona fa tsy hoe fahagagana na fahasitranana fotsiny, ary ny finoana aza no mahatanteraka ny fahasitranana ; ny finoana no nahavonjy. Finoana sy faharetana no tsy maintsy kolokoloina fatratra amin’izao fiavian’ny Tompo izao.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...