Alarobia 6 janoary 2021 — Herinandro manaraka ny Epifania — Hitory teny soa mahafaly amin’ny malahelo no anirahan’Andriamanitra Ahy, sy hankahery ny torotoro fo — Evanjely Masina nosorata'i Masindahy Marka 6, 45-52

Rehefa avy nampitombo ny mofo sy ny hazandrano mba hamokisana ny vahoaka i Jesoa dia fahagagana hafa indray no hitan’ireto mpianany teny Aminy. Talanjona sy gaga ireto mpianatra rehefa nahita an’i Jesoa nandeha teo ambony ranomasina. Ho an’ny Jody mantsy, ny ranomasina dia manambara ny herin’ny ratsy. Ary mazava ho azy, ny herin’Izy Andriamanitra irery ihany no afaka mandresy an’izany. Toa adinon’ireto mpianany fa i Jesoa izay arahin’izy ireo ity anie ka zanak’Andriamanitra, nefa mbola noheverin’izy ireo fa matoatoa ihany rehefa nandeha teo ambonin’ny ranomasina. Azo lazaina araka izany fa tsy ampy ny fahalalan’izy ireo sy ny finoany an’i Jesoa. Nefa izy ireo dia niara-niaina isan’andro sy nanaraka an’i Jesoa hatraiza hatraiza.

Manomboka nanambara ny tenany i Jesoa eto amin’ity Evanjely ity. Fanambarany ny fandreseny ny ratsy, dia ny fahafatesana izany. Manasa antsika àry, i Jesoa, mba hatoky Azy sy tsy hatahotra rehefa tojo fahasarotana eo amin’ny fiainana satria Izy tokoa no "efa Mpandresy an’izao tontolo izao" tamin’ny fitsanganany ho velona. Ankino aminy àry ny ahiahintsika sy ny tebitebintsika ary ireo fahoriantsika eto amin’ity fiainana ity, fa Izy no hanamaivana izany.

Ny fiarahantsika amin’i Jesoa isan’andro ao anatin’ny Eokaristia sy ny vavaka àry no antoky ny fahombiazantsika. Ao no hahafatarantsika ny tena maha Izy azy dia hoe zanak’Andriamanitra Mpandresy ny ratsy Izy. Matokisa àry an’Izy Jesoa zanak’Andriamanitra ary aza matahotra ny manara-dia Azy.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...