Alakamisy 03 desambra 2020 — Herinandro voalohany amin'ny Fiaviana — Evanjely Masina nosoratan'i Masindahy Matio 7, 21. 24-27 — Indro ho avy ny Tompo hanavotra ny vahoakany ; sambatra izay vonona hitsena Azy.

0 : 00

Raha faritana tsotra ny finoana dia hoe firaiketam-po amin'Andriamanitra, fanokanana ny tenana sy ny fiainana manontolo ho an'Andriamanitra. Tsy teny tsara lahatra, na asan'ny saina, fa toe-piainana. Teny sy finoana arahan'asa no ilaina, vavaka ampiharina eo amin'ny fiainana no famonjena. Izay mandray ny teny ka mitandrina azy, hoy i Jesoa, dia hendry. Izany hoe : sady mahay miaina ny ankehitriny, no manorina ny ho avy. Orana sy tafio-drivotra no ho fitsarana ny fanorenana sy ny fiorenana, izay mari-pototra dia tsy hihontsona.

Kianin'i Jesoa matetika ny toetran'ny Farisianina, izay mety hahavoa ny kristianina ihany koa, milaza fotsiny fa tsy manao : kobaka am-bava sy volana an-tenda, kabary ambony vavahady. Toy ny hoe, ny rindrina atao akora vato nefa ny fototra fasika ihany. Tsy hateza izany fanorenana izany, hirodana ka ho loza ny fihafarany ary fahaverezana. Teny zato, kabary arivo fa tokana ny marina dia izay arahina asa. Efa ampianarin'i Masindahy Paoly ao amin'ny 1 Kor. 4, 20 ny hoe :  "Ny Fanjakan'Andriamanitra, tsy teny foana fa asa atao". Amen.

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...