Nahazo fanasana ofisialy avy amin’ny fitondram-panjakana indoneziana, hamangy an’Indonésie amin’ity taona ity i Papa François.

Tsy mbola voafaritra mazava ny fotoana hanatanterahana izany saingy heverina fa any ho any amin’ny volana septambra any ho any. Ankoatra an’i Indonésie dia mety ho vangian’i Papa François ny any Papouasie sy Nouvelle-Guinée ary Timor atsinanana. Na izany aza, tsy mbola nisy valinteny avy ao Vatican momba izay fanasana izay. Maro anefa no mangataka ny hamoahana avy hatrany ny daty, indrindra ho an’ny Sorona Maina ho tarihin’i Papa François miaraka amin’ny fivondronamben’ny eveka indoneziana, raha vao fantatra izany. Tsiahivina fa efa nisy ny hafatra nataon’i Papa ho an’ny mpino katolika any Indonésie tamin’ny volana aogositra lasa teo. Indonésie izay ivondronan’ny nosikely maro miisa 13.000 ary voafaritra ho firenena betsaka silamo indrindra maneran-tany. Maherin’ny 262 tapitrisa ny mponina ao any ka silamo ny 87 isanjaton’izany. Vitsy an’isa ny mpino katolika izay tsy misy afa-tsy 3 isanjaton’ny mponina. Papa fanintelony hitsidika an’Indonésie ny Papa François. Voalohany namangy an’io firenena io i Papa Paoly faha-6, tamin’ny taona 1970. Faharoa i Papa Joany Paoly faharoa tamin’ny taona 1989.    

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...