Naneho ny firaisampony amin'ny vahoaka aostraliana manoloana ireo fahavoazana goavana ateraky ny doro tanety sy ny doro ala any Australie ny Papa François, tao anatin'ny Audience Générale tamin'ny alarobia 8 janoary teo.

Nangata-bavaka tamin'ireo rehetra nanatrika ny fotoana izy ho fanohanana ireo vahoaka misedra olana vokatry ny afo ireo. Tsiahivina fa efa tany amin'ny volana septambra lasa teo no niandohan'izao doro tanety sy ny doro ala any Australie izao ary mbola sarotra fehezina izany ankehitriny. Efa mahatratra hatrany amin'ny 8 tapitrisa hekitara ny velaran-tany may hatramin'izao. Miisa 26 kosa ireo olona namoy ny ainy ary maherin'ny 2 arivo ireo trano simba sy may. Ankoatra ireo dia isan'ny tena lasibatra ihany koa ireo karazan-javamaniry sy biby samy hafa miaina anaty ala, indrindra ireo isan'ny mampiavaka an'i Australie, toa ny kangourou sy ny koala.

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...