• Eto izao ianao :  
  • Fandraisana
  • Fandaharana
  • Kolontsaina
  • Tantara

Lohahevitra : Tantara

Vavolombelona nanatri-maso ny fanafihana nataonà jiolahy i Lanto sy Frank, ary nohenjehan'ireo jiolahy ireo ry zareo mba tsy hampivoaka ny tsiambaratelon'ny fanafihana. Nifanena tamin'i Lanto ilay jiolahy nanenjika azy indray hariva iny ka tsaroiny ilay endrika, tadidin'ilay lehiben'ny jiolahy ihany koa anefa i Lanto ka narahiny indray...

Lohahevitra : Tantara

Zanaka vavitokan'ny Reniny i Felana ary efa kamboty ray. Nianatra tao amina lycée iray tsy dia lavitra ny tanàny i Felana, nanana namana roa izy dia i Njaka kilasy famaranana sy i Rova première mitovy amin'i Felana ihany. Tsy mba nifankafoy fa niaraka teny foana izy telo mianadahy, nifanampy izy telo raha nisy lesona na fanazarana tsy hain'ny iray. Nisy fotoana i Njaka nandeha naka ny bokiny nindramin'i Felana, hitan'ny renin'i Felana izy tamin'io ary teo no nipoiran'ny fanirin'i Ramatoa Rasera hitivan'i Felana an'i Njaka izay tovolahy hendry sy tsara tarehy.

Lohahevitra : Tantara

Fianakaviana tena sahirana no nisy an'i Olivier sy ny reniny. Nanao ezaka maro ary nanana fikirizana io fianakaviana io ary tafita tamin'ny fianarana nataony ihany i Olivier, zanak'i Ramatoa ... Nahazo asa sy andraikitra tamin'ny orinasa lehibe iray i Olivier, ary tafasara-toeram-ponenana tamin'ny reniny. Ramatoakely Voahirana no sekreteran'i Olivier izay talen'ny orinasa, samy nanana faniriana sy samy tia izy roa anefa tsy mbola sahy nifamboraka fitia. 

Lohahevitra : Tantara

Mpìrahalahy samy mìaramila mpanao "vy very ny ainy" i Maharo sy i Harivelo. Nisy ady an-trano tany Mali, ka nalefa hanatevina ny miaramila misatro-mangan'ny Firenena Mikambana tany any izy roalahy. Nisy nanafika anefa ny toby nambenan-dry zareo ka maty voatifitra i Maharo. Nalahelo sy very hevitra i Harivelo sady tsy foiny ny zandriny, hany ka niantso ny fanahin'i Asmodée (demony) izy mba hiditra ao amin'i Maharo ka hamelona azy indray. 

[Vaovao manokana] Alakamisy 2 mey 2024

Notendren’ny Papa François ho evekan’ny diosezin i Maintirano i Mompera RAKOTOASIMBOLA Clément Herizo, misioneran’ny Lasalety, Vicaire délegué de l’Adminstrateur apostolique ao Maintirano ankehitriny.  Teraka ny 23 novambra 1974  tao Ambohimandroso- Ambohimanga Rova i Mgr Clément Herizo, ary ny 30 mars 1975 izy no nandray ny Sakramentan’ny Batemy tao Ambohimanga Rova. Tao Namehana izy no nandray voalohany ny Eokaristia Masina ny 12 novambra 1982, ary ny 23 aogositra 1998 no niroso tamin’ny Sakramentan’ny Fankaherezana tao Alarobia Antananarivo. Nandalina ny filôzofia tao amin’ny Scolasticat Saint Paul Tsaramasoandro Antananarivo izy ny taona 1999 ka hatramin’ny taona 2002.

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...