Lohahevitra : Tantara

Kamboty ary taizan'i Mamazay, nenitoany i Maholy. Nifankatia tamin'i Tahina mpiara-nianatra taminy izy ary nitoe-jaza. Tia an'i Maholy tokoa i Tahina ary nisafidy ny andron'ny mpifankatia na "Saint Valentin" hanaovana ny vodiondry. Nisedra olana maro anefa ny fitiavan'izy roa : anisan'izany ny fifindra-monina nahavoatery an'i Tahina handao an'i Maholy... 

Lohahevitra : Tantara

Noroahan'ny tompon'ny orinasa niasany i Radezy sy i Tolotra satria noho ny tsy fahafahan'ireo mpampiasa manohy ny fitantanana. Sahiran-kevitra i Rasendra sy Radezy vadiny ny amin'ny asa tokony hatao indray mba ho fidiram-bola. Nahita asa i Tolotra ka mpiandry tanàna no andraikitra amin'izany, ary nandeha nihaona tamin'ilay olona mpampiasa izy ireo. Trano vao nahorina no misy eo amin'ilay toerana iasan'izy mianaka, ka fitaovana sy ankora hanohizana ny fananganana trano no andrasana ao. 

Lohahevitra : Tantara

I Sahondra sy Ndriana dia ankohonana kely sahirana, ary toy ny omby mahia tsy lelafin'ny namany dia tsy mba tian'i Nary anadahin'i Sahondra mihitsy ry zareo, na izany aza dia niezaka nanatsara ny fiainany izy mianaka, namboly sy niompy. Raiki-pitia tamin'ny Felana zanak'i Mamy kosa i Ndriana, sadaikitra ihany ny reniny noho ny filazany fa tia an'i Felana izy, noho izy olona mahantra nefa i Felana zanaka mpanakarena.

Lohahevitra : Tantara

Mpifankatia mpivarotra voninkazo, fandravahana toeram-pilanonana sy fety isan-karazany ary fanao amin'ny fahoriana, i Benja sy Lisy. Mpinamana akaiky i Benja sy Pôta, nahita hevitra hanatsarana ny fidiram-bola amin'ny tokan-tranony avy izy roalahy, dia halatra voninkazo. I Bako sy ny Nenitoany dia mpianaka tia mikarakara voninkazo sy sarotiny amin'ny voly nataony, isan'izany ny voninkazo raozy.

[Miara-dàlana] Zoma 17 mey 2024

♦ Nankahery an'i Mgr Jean Claude Rakotoarisoa amin'ny fanohizana ny asa fitoriana nataon'ireo Eveka nodiambiasany ny Fivondronamben'ny Eveka eto Madagasikara sy ny Solontenan'ny Ray masina eto Madagasikara... ♦ Manentana ny Eglizy rehetra eto Madagasikara hanamarika ny Andro Maneran-tany ho an'ny Ankizy, ny 25 sy 26 mey 2024, ny Vovonam-Pirenena Katôlikan'ny Ankizy eto Madagasikara... ♦ Nanao antso avo amin'ny tsara sitrapo rehetra ny Papa François, mba hanampy ireo vahoaka ao Afghanistan, izay niharan'ny tondra-drano...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...