Lohahevitra : Tantara

I Sahondra sy Ndriana dia ankohonana kely sahirana, ary toy ny omby mahia tsy lelafin'ny namany dia tsy mba tian'i Nary anadahin'i Sahondra mihitsy ry zareo, na izany aza dia niezaka nanatsara ny fiainany izy mianaka, namboly sy niompy. Raiki-pitia tamin'ny Felana zanak'i Mamy kosa i Ndriana, sadaikitra ihany ny reniny noho ny filazany fa tia an'i Felana izy, noho izy olona mahantra nefa i Felana zanaka mpanakarena.

Lohahevitra : Tantara

Mpifankatia mpivarotra voninkazo, fandravahana toeram-pilanonana sy fety isan-karazany ary fanao amin'ny fahoriana, i Benja sy Lisy. Mpinamana akaiky i Benja sy Pôta, nahita hevitra hanatsarana ny fidiram-bola amin'ny tokan-tranony avy izy roalahy, dia halatra voninkazo. I Bako sy ny Nenitoany dia mpianaka tia mikarakara voninkazo sy sarotiny amin'ny voly nataony, isan'izany ny voninkazo raozy.

Lohahevitra : Tantara

Fizarana lova eo amin'ny samy mpiraitampo no tena fototra iaingan'ity tantara ity, ka misy ireo te hangoron-karena avy amin'izany ary mitady tetika sy fomba hahazoana betsaka izy ireo toa an'i Ramamy mivady sy i Sophie mianaka. Izany hoe eo amin'izy ireo foana no tena misy ny olana, hany ka lasa mampifandrafy azy ireo izany. Rehefa izay dia samy nampiasa hafetsena i Sophie sy i Solenze ka nadrokodroko an'i Mama Sera, izay zokiolona eo amin'ny fianakaviana mba hiandany amin'izy ireo. I Sophie tonga niresaka tany an-tranony mangingina mihitsy fa ny an'i Solenze nataony resaka an-telephone. 

Lohahevitra : Tantara

Rafaly dia olona mpanankarenaa sady nanana Orinasa iray izay, nanao tsinotsinona ireo mpiasa madinika rehetra tao amin'ny Orinasany sy ny Fianakaviany ary ny mpiara-monina taminy. Nisy tovolahy iray niasa tao amin'ny orinasany, i Rado no anaran'io tovolahy io, tena olona nazoto niasa tsara izy saingy niaran'ny tsindry hazo lena ko aka voaroaka. Fanampin'izany koa anefa taty aoriana dia nanakarama olona hamono an'i Rado i Setra zanak'i Rafaly satria fantany fa i Rado no miaraka amin'ny  Seheno anabaviny.

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...