• Eto izao ianao :  
  • Fandraisana

Samy hafa fiaviana ireo Apôstôly fa nifankahazo fomba fiteny. Lasa fitaovana hanaratsiana ny hafa ny fandrosoan'ny fampiasana ny fitaovan-tserasera (FB, TikTok...). Ilàna fahaiza-mandanjalanja ny hevitra sy ranty atosaky ny tambazotra isan-karazany. Andraikitry ny ray aman-dreny sy ny mpampianatra ny manoro ny ankizy sy ny mpianatra amin'ny fandanjalanjàna ny fampiasana ny teknlolojia mikasika ny serasera... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Alahady 08 jona 2025. Alahady Pantekôty : Mpankahery sy mpanazava ary mpampihavana, ny Fanahy Masina ; Avia, ry Fanahy Masina, fenoy Anao ny fonay mpino, ary ampireheto ao am-ponay ny afon’ny fitiavanao. Dimapolo andro lasa izay no nankalazàna ny Paka, ny Pantekôty toa izao no handraisana ny Fanahy Masina izay efa nomena ny Apôstôly, ho fanazavana ho an'ny saintsika ary ho hery ho an'ny fontsika, mba hijoro ho vavolombelon'i Jesoa Kristy. Ny Pantekôty no fahatanterahan'ny fampanantenana nolazain'i Jesoa Kristy tamin'ireo Apôstôly, dia ny nidinan'ny Fanahy Masina tamin'ireo Mpianany sy Masina Maria...

Nankalazaina androany alakamisy 05 Jona izao ny andro eran-tany ho an’ny tontolo iainana. Loha-hevitra nosafidian’ny firenena mikambana ho voizina mandritra izany ny atsahatra ny fandotoana ara-plastika ny tontolo iainana eran-tany. Mandray anjara mavitrika amin’ny fanamarihana izany andron’ny 05 jona izany ny Fikambanan’ny Mpanao Gazety mikirakira ny tontolo iainana na ny AJE. Nanasa an’i Dokotera SALAMA Jean Claude namelabelatra ny momba ny plastika sy ny voka-dratsin’ny fiparitahan’ny fako plastika eny amin’ny tontolo misy antsika ary ny vahaolana entina misoroka izany hoan’ireo mpikambana ao aminy ny AJE...

Folo taona taorian’ny Laudato Si’, inona no fiantraikan’ny antson’ny Papa François hikarakarantsika ny tranobe iombonana? Ny fandaharana "EVA" dia mikaroka ireo hafatra fototra ao amin'ny ansiklika, ny fomba fijery ara-paminaniana momba ny krizy ara-tontolo iainana, ny fiantraikany maneran-tany ary ny hetsika mivaingana. Nahoana no mbola sarotra ny fanentanana? Inona avy ireo fanamby miandry? Ary ambonin'ny zava-drehetra, ahoana no ahafahantsika mitazona ny fanantenana manoloana ny hamehana amin'ny toetr'andro? Fifanakalozan-kevitra mahasarika sy manan-danja momba ny ho avin'ny planetantsika... fandaharana "Miaina - Mitia" tontosaina eto amin'ny radio Don Bosco.

[Miara-dàlana] Alatsinainy 16 jona 2025

• Ny fanakaikezana ny mahantra sy ny fanakaikezana ny pretra, ireo no teboka roa nisongadina, nandritra ny fihaonan'ny Evekan'i Madagasikara tamin'ny Papa Léon XIV... • Ankizy katolika manaja ny tontolo iainana, fanantenan'ny Eglizy : io no teny manentana ho an'ny ankizy rehetra tao amin'ny Diosezin'i Morombe, nentina nanamarihana ny Jobily 2025, ho an'ny ankizy... • Eokaristia Masina notanterahana tao amin'ny EKAR Masina Misely Itaosy omaly, no nentina nanamarihana ny fankalazana ny faha-25 taona niorenan'ny fikamban-drelijiozy Masera Carmélites Mineures de la Charité...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...