Manohana ny fiarovana ny ala honko ao amin’ny faritr’i Sofia ny fahefana eo anivon’ny faritra sy ny any amin’ny kaominina. Raharaham-panjakàna ny fiarovana ny tontolo iainana araka ny nambaran’Andriamatoa Fidèle Emilson, tale misahana ny fotodrafitr’asa sy ny falmpandrosoana na ny DID ao amin’ny faritr’i Sofia, sady filoha lefitry ny vovonana hoan’ny fitantanana ny faritra arovana na ny P.F.Gap Avarabe Lovainjafy izay ivondronan’ny faritra Sofia, Diana, Sava, Analanjirofo ary Boeny. Manaporofo izany hoy izy ny fametrahana io rafitra io...
Rafitra ivondronan’ny tompon’andraikitra ao amin’ireo faritra ireo ary vokatry ny fametrahana ny komity mpitantana ny vohitry ny atitany avaratra na ny COPIL HTN tamin’ny taona 2017. Manana faritr’ala isan’ny lehibe eto Madagasikara ireo faritra ireo, ary manan-karena amin’ny rohy voahary koa isan’izany ny ala honko.
Ny ala honko izay iharan’ny tsindry samihafa tato ato ka mila andraisana andraikitra hoy Andriamatoa Fidèle Emilson. Lasa filàna ho an’i Mahajanga sy Nosy be moa ankehitriny ny harena trandrahana antsokosoko ao amin’ny ala honkon’i Faritra Sofia, manana halavàna 450 kilometatra hoy hatrany izy.
.
