Miady amin’ny tsy fanjarian-tsakafo amin’ny alalan’ny famokarana masomboly nohatsaraina aparitaka eny amin’ny tantsaha ny OPR SOA MITAMBATRA. Vovonam-pikambanana ao amin’ny faritra Amoron’i Mania ity fikambanan’ny tantsaha iray ity. Miparitaka amin’ny distrika miisa efatra, dia Ambatofinandrahana, Fandriana, Manandriana ary Ambositra ny OPR SOA MITAMBATRA. Ahitana mpikambana mpamokatra masomboly 174. Mamokata masomboly 40 Taonina isan-taona eo ho eo...
Ezahana ny anaparitaka ny masomboly novokarina ao amin’ny faritra Amoron’i Mania hoy Andriamatoa RAZAFIMAHAFALY Solo Jean Emilien filohan’ny Fikambanana, saika masomboly netin-drazana mantsy no miasa ao ka mila ovaina amin’izay ny fomba nahazatra. Azo tsapain-tanana fa mampitombo ny vokatra ny fampiasana masomboly nohatsaraina. Efa misy ny tantsaha mandray ny vokatra saingy olana ny tsy fahampian’ny masomboly fototra ampiroboroana ny famokarana hoy Andriamatoa RAZAFIMAHAFALY Solo Jean Emilien filohan’ny Fikambanana.
