Tsy azo idovirana intsony fa lalan-tokana ivoahana amin’ny fampandrosoana ny tontolo ambanivohitra ny sehatry ny fandraharahana. Nivoitra tamin’ny fampiofanana an’ireo tantsaha avy amin’ny fikambanana miisa dimy tany amin’ny
faritra miisa efatra iasan’ny Réseau SOA natao teny amin’ny FOFIKRI Ilafy nandritra ny roa andro izany. Fampiofanana vokatry ny tetik’asa an’ny AGRICOR, nomena ny anarana hoe FAO FS, vatsian’ny GIZ vola, ary manatanteraka kosa ny Réseau SOA sy ny AFDI ary ny FERT kosa hoan’ny FIFATA. Lohahevitra nitondrana ny fihofanana ny hoe: “fandraharahana amin’ny tontolo ambanivohitra”....

Ny hananan’ireo tantsaha finiavana sy fomba fijery vaovao miditra sy misehatra amin’izany fandraharahana izany no tanjona hoy ny mpampiofana avy amin’ny fikambanana IZARA Antsirabe, RAZAFIARISON Charles. Nahafapo an’ireo tantsaha avy amin’ny fikambanana miisa dimy mpikambana ao amin’ny Reseau SOA avy amin’ny faritra miisa efatra ny fihofanana nandritra ny roa natao teny amin’ny FOFIKRI Ilafy Antananarivo Avaradrano nandritra ny roa andro io. Miandahy miambavy ireo nanaraka ny fihofanana. Voahaja ny miralenta.