Natomboka ofisialy tamin’ny alalan’ny atrikasa teny Anosy ny alakamisy 02 Jolay 2026 ny andiany fahatelo amin’ny fanangoanna ireo tsara ho fantatra mahakasika ny tontolon’ny fambolena na ny RGA3. Miantoka ny 30%n’ny hari-karena faobe ny tontolony ambanivohitra sy ny fambolena eto Madagasikara. Maherin’ny 75%n’ny Malagasy no misahatra sy manao asa fivelomana ny fambolena. Ny taona 2004 no nisy fanisana farany mahakasika ny tontolo ambanivohitra sy ny fambolena teto amitsika raha toaka isaky ny folo taona no tokony hanaovana izany...
Ny fananana antotanisa voaporofo sy mazava dia manampy ny fitondram-panjakana amin’ny fandrafetana ny politikam-pirenena amin’ny firafitry ny famokarana sy ny fambolena.
Manampy amin’ny fitsitrahana antotanisa mifanaraka amin’ny toetr’andro, ny kalitaon’ny vokatra, ny fiatrehana ny fiovan’ny toetry ny andro, ny fanjarian-tsakafo sns.
Noho ireo antony ireo indrindra no nahatonga ny fitondram-panjakana amin’ny alalan’ny minisiteran’ny fambolena sy ny fahavitan-tena ara-tsakafo sy ireo mpiara-miombon’antoka aminy hanatanteraka ny andiany fahatelo amin’ny fanangonana ireo tsara ho fantatra mahakasika ny tontolon’ny fambolena na ny RGA3.
