Mila mandray andraikitra amin’ny fahasimban’ny tontolo manodidina sy ny ala ao amin’ny toerana misy azy ny tantsaha eny ambanivoitra. Mila fahaizana sy fifehezana ny teknika nefa ny fanataterahana izany. Mahatsapa izany ny Réseau SOA ka nampiofana tamin’ny alalan’ny atrik’asa momba ny tsara ho fantatra amin’ny fanarenana ny tontolo manodinana sy ny ala na ny RPF tao Antanetibe Mahazaza ato amin’ny distrikan’Ambohidratrimo an’ireo mpikambana avy amin’ny fikambanana SoaMitsinjo sy ny Filamatra Soa Iombonana na ny FISOI...

Atrik’asa nandritra ny roa andro nokarakain’ny Reseau SOA ary notohanan’ny FAO amin’ny alalan’ny FFF FAO. Nomena fahalalana momba ny famolavolana ny drafitr’asa fanatanterahana izany na ny PUAT koa ireo mpiofana nandray anjara. Fihofanana niarahana tamin’ny tompon’andraikitry ny kaominina Antanetibe Mahazaza sy Mahitsy. Ny hanamafisana ny fifehezan’ny mpisehatra ny dingana atao amin’ny RPF sy ny famolavolana ny PUAT no tanjona. Mifameno ny RPF sy ny PUAT hoy hatrany ny mpampiofana Andriamatoa Njaratiana RABEMANANTSOA.

Naneho ny fahafahampony nandritra ny atrik’asa nanovozan’izy ireo fahalalana momba ny fanarenana ny tontolo manodinana sy ny ala na ny RPF tao Antanetibe Mahazaza ato amin’ny distrikan’Ambohidratrimo ireo mpikambana avy amin’ny fikambanana Soa Mitsinjo sy ny FISOI, mivondrona ao amin’ny Réseau SOA nanatrika izany. Feno ny fahalalana azo ary tsy azo idovirana hoy izy ireo ny fanatanterahana izany manoloana ny fahasimban’ny ala sy ny tontolo manodidina izay ankehitriny.