Misy olana amin'ny fifandraisan'ny ray aman-dreny sy ny zanaka noho izy ireo avy amin'ny vanim-potoana samihafa. Ny 20 novambra no andro iraisam-pirenena ho an'ny zon'ny ankizy ; Madagasikara dia isan'ireo nanao sonia sy nankatoa io zo io. Ny fampisitrahana io zon'ny ankizy io dia miainga amin'ny ankohonana, betsaka anefa ireo izay minia tsy halala izany zo izany. Diso ao amin'ny fampitahana ny zava-misy ankehitriny sy ny taloha ny ray aman-dreny, ary ankilany anefa dia tsy voatery hitovy ny zava-misy amin'ireo vanim-potoana roa ireo. Tokony hifandray sy hirindra ny fifampiresahana, ny fifampihainoana, fifankahazoana, fandanjalanjàna ny tranga rehetra...
Mba hananana na hitazomana ny fahasalamana dia tsy maintsy mametraka tanjona isika. Isan'ny lohahevitra noresahana ny hoe : fialàna na fampihenana ny fandraisana zava-madomelina, eo koa ny fitozoana ara-batana. Isan'ny fototry ny fahasalamana ny sakafo, torimaso, fampiasam-batana. Manampy ny vehivavy hiatrika ny adidiny ny fandrindram-piterahana sy ny fahalalana manodidina ny fadimbolana. Ilàna tombana avokoa izay natao rehetra mba hamaritana izay tokony hatao indray...
Mila mizara fihetse-po amin'ny hafa isika mba tsy hisian'ny fiatsarambelatsihy. Aza mihevitra hanova olona fa ianao aloha no manao ezaka hiova ho tsara kokoa. Amin'ny alalan'ny saina no ahafahana mampita hevitra, betsaka amintsika anefa no tsy milaza ampahatsorana ny ao an-tsaina. Antony maro no tsy hananana toe-tsaina mangarahara : tahotra, tsy fahatokisan-tena sy ny olona hafa, tsy fifankahazoana, te hisongadina, rivo-panabeazana sy kolotsaina...
Tsy ampy ny fahalalana hoe "mila manaja fitsipi-pifehezana" fa ny tena zava-misy marina no tokony hampahafantarina ny ray aman-dreny. Maro ireo loza mandindona ny fanabeazana sy ny fampianarana : tranga misy eo anivon'ny ankohonana, tranga mahakasika ilay zaza mivantana, zava-misy eo anivon'ny fiaraha-monina ary ny olana mahakasika ny mpampianatra. Ohatra ny hoe lasa fahazarana ny fiatrehana ny fiainana ka tsy ampy manaraka izay ny fifampizarana fitiavana eo amin'ny mpianakavy, eo koa ny olana ara-tsakafo, ny ankivy ara-pahasalamana...
♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...
Tohiny...Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco