Tsy dia mahataitra loatra ireo ray aman-dreny niteraka sy ireo mpanabe ny fahitana ny zanany na ny zaza iray manaikitraikitra hoho, kanefa dia misy fiantraikany any amin'ny fiainany manontolo, any maha izy azy mihitsy izany. Resahana io lohahevitra izao mba hahafantaran'ny mpihaino fa misy antony mahatonga io tranga io.

Matetika dia tahotra ao anaty no tena antony, ary mandrakariva dia ny tanany ankavia no kaikikaikeriny. Anisan'ny antony nahatonga izany ny fampisarahina nono aloha loatra. Ny zaza miaina ity tranga ity dia mora tohina, mora tezitra, saro-kenatra, be ahiahy sy be tahotra. Vokany, misy fiantraikany any amin'ny fiaianany manontolo izany. Tsy azo bedesina izy, tsy azo rahonana, tsy azo saziana fa mandratra azy izany.

Ny tokony atao dia hazavaina aminy fa misy voka-dratsy eo amin'ny fahasalamana io. Ampanaovina <<travail manuel>> asa tanana izy, mba hanadinoany ilay fanaikerana. Raha olon-dehibe no tratra ity tranga ity dia mila torimaso.