Nifamotoana tao amin’ny katedralin’i Masindahy Jozefa any ABOU DHABI, tamin’ny alarobia teo, ny ankohonampiainana katôlika any amin’io firenena io.

Fihaonana nanamarihan’izy ireo ny tsingerintaona voalohany namangian’i Papa François an’ity firenena arabo ity. Nisy ny fiaraha-miombom-bavaka sy ny Sorona Masina notarihan’i Monseigneur Paul HINDER, vikera apostolikan’i Arabie atsimo. Maro tamin’ireo vahoaka nanatrika ny Lamesa notarihan’i Papa François, tamin’ny taon-dasa, no nanatrika sy nandray anjara tamin’io fanamarihana tsingerintaona tamin’ny alarobia io. Niarahan’ny rehetra niredona nandritra izany avokoa ireo hira rehetra natao tamin’io 5 febroary 2019 niarahana tamin’i Papa François io. Notsiahivin’i Monseigneur Paul HINDER tamin’izany ny fampianaran’i Papa momba ny hasambarana izay drafi-piainana ho an’ny kristianina.

[Miara-dalana] Zoma 10 septambra 2021

♦ "Mila ezaka ny fiainana ny voady", io no hafatra napetraky ny Lehiben'ny Fikambanana Salezianina Don Bosco, nandritra ny voady notononin'ireo frera 22 mirahalahy... ♦ Nandefa hafatra, manentana ny rehetra hihavana amin'ny voaary i Mgr Fulgence Rabemahafaly... ♦ Ny fitoviana ao amin'i Kristy dia mandrava ny endri-pahasamihafana rehetra, hoy ny Papa François nandritra ny "Audience générale"...

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Tondrozotran'ny Firohotan'ny Tanora Salezianina

Ny sabotsy 31 jolay 2021 tamin'ny 2 ora sy sasany folak'andro lasa teo, oran'ny Roma, no notanterahana ny fivoriambe nataon'ny tompon'andraikitry ny MSJ (Mouvement Salésien des Jeunes) na Firohotan'ny Tanora Salezianina maneran-tany, izay niarahan'izy ireo tamin'i solontenan'ny pastoralin'ny tanora sy ny mpandrindra an'ity MSJ ity. Araka ny atontan'isa dia nahitana mpandray anjara miisa 130 tamin'ity fivorianam-be ity.

Tohiny...