Hita taratra tao amin'ny lahateny nataon'i Papa François, nandritra ny fandraisany ireo masoivoho vahiny miasa eo anivon'ny Fiketrahana Masina ao Vatican, tonga niarahaba azy noho ny nahatrarana ny taona vaovao, ny alakamisy 9 janoary teo, ny fiahiany an'izao tontolo izao.
Noresahany teo anoloan'ireo ambasadaoro miisa 183 avy amin'ireo firenena sy fanjakana manana fifandraisana ara-diplomatika amin'i Vatican, ny momba ireo toe-draharaha mafampana maneran-tany ankehitriny ka nilazany ny tokony hisian'ny tontolo tsy misy fitaovam-piadiana nokleary. Tsy ho tanteraka, hoy izy, ny hananganana tontolo anaty filaminana sy fiadanana tanteraka raha mbola misy ny tahotra amin'ny mety ho fandringanana tanteraka ny olombelona, noho ny fisian'ny fitaovam-piadiana nokleary. Nasian'i Papa François teny koa ny fahalovan'ny fanararaotana sy ny famarinana olona ataon'ireo tsy mataho-tody, mitady tombony amin'ny fahantrana sy fahorian'ireo mandositra ny ady sy ny fahantrana lalina. Betsaka koa, hoy hatrany izy, ireo mpitsoaponenana miampita ranomasina miksa ny hitady fiainana tsaratsara kokoa, saingy zary lasa fasana ho azy ireo izany, toa ny tranga fahita amin'ny ranomasina Méditerranée.
