Alahady 4 aprily 2021 – Fankalazana ny Paka. Nitsanganan'i Jesoa tamin'ny maty – Efa voavono i Kristy izay Paka ho antsika ao amin’ny Tompo – Evanjely Masina nosoraran'i Masindahy Joany 20, 1-9

Miarahaba antsika mianakavy tratry ny Paka. Velona tokoa ny Tompo. Resiny tokoa ny fahafatesana. Foana ny fasana. Maty tokoa ny Tompo fa nitsangana Izy afaka hateloanandro araka ny nambarany. Ny fifaneraserana, ny fifandraisana, ny fampianarana, ny fiaraha-mitoetra tamin’i Jesoa niarahany tamin’ny apôstôly sy ny mpianany ary ireo nanara-dia azy, izay nino azy, dia tsy foana fa teo am-pon’ireo nahalala azy mandrakariva.

I Madalenina dia anisan’izany. Vehivavy mahery fo. Niraiki-po tanteraka tamin’i Jesoa ka nahatonga azy ho tsy natahotra na kanosa fa sahy nandeha irery namangy ny fasana. Vokatry ny finoana sy fitiavana tao aminy izany. Tsy nieritreritra hahita zavatra mahagaga fa nandeha fotsiny amin’izao. Fa izy vehivavy no nahita voalohany ny porofo fa nisokatra ny fasana, voaesotra tamin’ny fasana ny vato. Zavatra tsara ny nataon’i Madalenina, tia an’i Jesoa Izy, fa nanadino ny hafatra, nanadino ny fampanantenana fa hitsangana ny Tompo afaka hatelona. Nihazakazaka namonjy ny apôstôly, nanambara ny zava-misy izy. Eto no ahitantsika ny fiainana maha kristianina. Fa ilaina ny Fiangonana hanampy antsika na inona na inona fahakingantsika na fahaizantsika. Ny Fiangonana no manampy antsika hanamarina ny fisalasalana, satria marina izy na dia tsy mendrika amin’ny maha olombelona fa nametrahan’i Kristy an’izany iraka izany.

Mila fanetren-tena koa isika amin’ny fiainana, i Joany no mampianatra antsika androany. Tonga mialoha teo amin’ny fasana, nahita ary nino fa niandry an’i Piera vao niditra. Zava-dehibe no atrehina ka tsara ny miandry ny tompon’andraikitra lehibe noho ny tena aloha ; tsara ny fahalalana mialoha fa avela ny Fiangonana no hanambara azy miharihary.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...