Mankalaza ny fetin'ny Noely ny fiangonana tatsinanana amin'ity anio ity. Niarahaba sy nirarisoa ho an'ireo mpino rehetra manaraka izany tetiandro izany i Papa François, omaly.

Ho aminareo anie, hoy ny Papa, ny fahazavana sy ny fiadanana entin'i Kristy Mpamonjy. Tsiahivina fa ny tetiandro "julien" no arahin'ireo eglizy tatsinanana, ahitana ny orthodoxe, ka nahatonga izay tsy fitoviana amin'ny tetiandro gregoriana arahintsika amin'izay fankalazana ny fetin'ny Noely izay. Notsiahivin'i Papa François tamin'io omaly io koa ny andro maneran-tany ho an'ny ankizy misionera izay marihina isaky ny andron'ny Epifania. Fetin'ny ankizy sy ny tanora misionera miaina ny antso ho amin'ny fahamasinana amin'ny fanampiana ny namana amin'ny alalan'ny vavaka sy ny fihetsika ary ny fifampizarana, hoy hatrany ny Papa. Nirary fety sambatra ho an'ny rehetra izy ary nanentana ny rehetra mba hivavaka ho azy hatrany.