Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Mompera Cosimo Alvati

Talen'ny Radio nanomboka 1998 hatramin'ny 2006.

Mompera Franck Randriamiandrinirinarivo

Talen'ny Radio nanomboka ny taona 2015.

Radio Don Bosco

Plus je l'écoute, plus je l'aime

previous arrow
next arrow
Slider

Raha hanontany anao aho izao hoe : oviana i Jesoa no teraka ? 25 Desambra hoy ianao. Tsy tena fantatra anefa hoe andro inona no nahaterahan’i Jesoa Kristy. Ny ao amin’ny baiboly koa tsy nisy nilaza izany.

Tsy nisy fankalazana an’io mihitsy talohan’ny taonjato faha-4, ny Paka ihany no nankalazaina. Fa ny kristianina taty aoriana no naniry ny hankalaza ny andro nahatongavan’ilay mpamonjy ho nofo, ka nitady andro hankalazana azy.

Dia daty inona àry izany e ? 

Any amin-dry zareo tavaratra an ! Rehefa volana desambra toy izao, dia fohy kely ny andro, vetivety dia maizina.

Ny romanina tamin’izany andro izany, rehefa nahita an’ilay masoandro nitsilopilopy, dia natahotra, ary nihevitra mihitsy ary fa ho faty tanteraka io masoandro io, ka ho rakotra aizina ny tany tontolo. Ny 21 desambra anefa, dia nanomboka nihalava indray ny andro ary niverina niposaka ny masoandro. Io no atao hoe solstice d’hivers. Sady lesona atao any am-pianarana ihany izany an !

Rehefa amin’io fotoana io dia nanao fety be ry zareo nankalazana an’ilay masoandro tsy mety resy, na “Sol Invictus”, ary tena nalaza io fety io.

Ho an’ny kristianina anefa, i Kristy no masoandro mpitondra fahazavana ho azy ireo, ary ny nahaterahan’i Kristy no toy ny fahazavana niposaka ho an’izao tontolo izao.

Ny taona 354, nifandinika ny amperora Constantin sy ny Papa Liberius ary nametraka ny Noely ho 25 desambra.

Nanomboka teo, ny sasany nankalaza an’ilay andriamanitra masoandro “Sol Invictus”, fa ny kristianina kosa nankalaza an’i Kristy teraka ho antsika. Dia izay no nahatonga ny noely ho 25 Desambra. Nihanitombo anefa ny kristianina ary nihalevona tsikelikely ny fankalazana an’i “Sol Invictus.”

Ho an'ny fiangonana tatsinanana dia ny datin'ny epifania no nankalazaina ny nahaterahan'ny mesia. Fa ny tandrefana no nitazona io daty 25 desambra "fête de la lumière" io. Noraisin'ny tandrefana kosa anefa ny alahady manakaiky io daty 6 janoary io ho fankalazana ny epifania hanamarinana ny famangian'ny majy.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...