Hivaha tsy ho ela ny olan'ireo mpiantsehatra amin'ny fiompiana akoho manatody lava sy ny fakàna nofo amin'ny fahitàna ny katsaka foto-tsakafon'ny akoho ompian'izy ireo sy ny halafosany.

Ampiandrasana ny sonia fankatoavana avy amin'ny Ministra tompon'andraikitra momba ny fahafahana manafatra katsaka avy any ivelany mantsy ny ao amin'ny vovonan'ireo mpiantsehatra amin'ireo lalam-pihariana ireo na ny IPA Madagascar InterProfession Aviaire de Madagascar hamonjena ity lalam-pihariana ity. Misedra fahasahiranana goavana mantsy ankehitriny ny lalam-pihariana akoho manatody lava sy fakàna nofo. Tsy mitsahatra mitotongana tao anatin'ny taona vitsy mantsy ny fihariana ho an'ireo mpiantsehatra.

Miakatra ny mason-karenan'ny famokarana, saingy tsy mifanaraka amin'ny vidim-bokatra eny an-tsena noho ny fahefa-mividin'ny mpanjifa. Manampy trotraka ny fiakaran'ny vidin-katsaka, ankora fototra ilaina amin'ny sakafon'ny akoho ompiana. Betsaka ireo mpiompy no nanena ny akoho ompiany hatrany amin'ny 50%, ary tsy vitsy ireo niala an-daharana ka nivadika sehatr'asa hafa. Mananosarotra ny fahitana ny katsaka amin'izao fotoana izao noho ny tolotra tsy ampy. Antony nahatonga ny IPA Madagascar sy ny mpiara-miombon'antoka aminy hanafatra katsaka avy any ivelany mba ahafahan'ny lalam-pihariana miharina indray noho izay olana sedrainy izay araka ny fanazavan'ny sekretera jeneralin'ny IPA Madagascar, Mira Rakotondrandria.

[Vaovao manokana] Alakamisy 2 mey 2024

Notendren’ny Papa François ho evekan’ny diosezin i Maintirano i Mompera RAKOTOASIMBOLA Clément Herizo, misioneran’ny Lasalety, Vicaire délegué de l’Adminstrateur apostolique ao Maintirano ankehitriny.  Teraka ny 23 novambra 1974  tao Ambohimandroso- Ambohimanga Rova i Mgr Clément Herizo, ary ny 30 mars 1975 izy no nandray ny Sakramentan’ny Batemy tao Ambohimanga Rova. Tao Namehana izy no nandray voalohany ny Eokaristia Masina ny 12 novambra 1982, ary ny 23 aogositra 1998 no niroso tamin’ny Sakramentan’ny Fankaherezana tao Alarobia Antananarivo. Nandalina ny filôzofia tao amin’ny Scolasticat Saint Paul Tsaramasoandro Antananarivo izy ny taona 1999 ka hatramin’ny taona 2002.

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...