Zoma 01 mey 2020 — Herinandro fahatelo amin'ny Paka — Evanjely Masina nosoratan'i Masindahy Joany 6, 53-60 — Nitsangan-ko velona i Kristy, sady nitondra antsika amin'ny mazava, isika izay navotany tamin'ny Rany.

Ankehitriny, dia toa hita fa mora amintsika tokoa ny miteny hoe : mihinana ny vatan’i Kristy sy misotro ny Ran’i Kristy izay efa natolony ho antsika. Fa tamin’ny andron’ireo jody tamin’izany fotoana dia tena tsy azon’ireo ny tian’i Jesoa ambara mahakasika ny fihinanana ny Nofony sy ny fisotro ny Rany.

Isika kristianina anefa dia mahafantatra tsara fa efa nitsanga-ko velona i Jesoa ary mino fa eo anivontsika ao amin’ny Eokaristia. Ary izay mandray ny Eokaritsia no manana ny fiainana mandrakizay. Ny teny hoe : "mihinana ny Nofo sy misotro ny Ra" mantsy eto dia midika hoe mandray ny Eokaristia. Na izany aza anefa dia mila toetra mendrika eo am-pandraisana azy raha te hiombo-piainana tanteraka amin’i Jesoa ao amin’ny Eokaristia. Ary efa nolazain’i Md Paoly fa izay mandray ny Eokaristia tsy am-pamendrehana dia mihinana fanamelohana ho an’ny tenany.

Ny mofo nidina avy an-danitra izay manome ny fiainana ho an’ny olona ary dia i Jesoa Tenany ihany ary mifandray amintsika mpino amin’ny Eokaristia.

Ny Eokaristia ary no mamelona antsika ao amin’ny Finoana sy mampiombona antsika kristianina ary io no antoky sy fiainana mandrakizay. Noho izany dia mila fiomanana ara-panahy ny fandraisana Azy ary tokony tsy hitsahatra mandrakariva isika hivavaka ho an’ireo namantsika izay tsy afaka mandray ny Eokaristia noho ny antony maro samihafa. Amen