Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Mompera Cosimo Alvati

Talen'ny Radio nanomboka 1998 hatramin'ny 2006.

Mompera Franck Randriamiandrinirinarivo

Talen'ny Radio nanomboka ny taona 2015.

Radio Don Bosco

Plus je l'écoute, plus je l'aime

previous arrow
next arrow
Slider

Alahady 26 jolay 2020 — Alahady faha-17 mandavantaona — Evanjely Masina nosoratan'i Masindahy Matio 13, 44-52 — Misaotra Anao aho Raiko, Tompon'ny lanitra sy ny tany, fa nambaranao tamin'ny madinika ny tsiambaratelon'ny Fanjakanao.

0 : 00

Ry kristiana havana, izay zavatra heverintsika fa mety ho tsara indrindra, amin’izao zavatra hita maso ankehitriny izao, dia lazain’ny foto-kevitra amintsika mandritra ity herinandro ity hoe : mety ny mahafoy izany, hahazoana ny tsara kokoa, dia tsy inona izany fa ny fiainana miaraka amin’Andriamanitra.

Noho izany, misarika antsika i Jesoa mba hitodika sy hibanjina ary hanorina dia ny izao sahady, ny atao hoe : fanjakan’ny Lanitra dia ny ety an-tany. Koa fanoharana ihany koa no entin’i Jesoa manazava izany amintsika ankehitriny. Ambaran’i Jesoa, fa rakitra sarobidy atomboka dia ny ankehitriny ny fanorenana ny fanjakan’ny Lanitra, ka ny zavatra tsikelikely amin’izay fiainana ataontsika isan’andro no miangona ho fanjakan’ny Lanitra ho vatanintsika raha hatrizay. Ambaran’i Jesoa mazava tsara ihany koa fa tahaka ny hafetsen’ilay mpandranto iray nahita voahangy na firavaka sarobidy ihany koa no tokony ataontsika, raha hanorina io fanjakan’ny Lanitra io isika, izany hoe mahafoy izay mety heverintsika fa mahafinaritra mba hitadiavana ny mahasoa. Ary ambaran’i Jesoa amin’ny ohatra nataony fahatelo fa sahala amin’ny harato nalatsaka tany anaty ranomasina iray ity atao hoe fanjaka’ny Lanitra ity ka nanangona izay hitany rehetra tany, izany hoe raha iainantsika amin’ny fiainana ankehitriny : dia tsy natao na nosokajina ho antokon’olona na ho an’olon-tokana ity fanjakan’ny Lanitra hahorina ety an-tany ity fa natao ho an’izay afaka hikatsaka sy hanorina azy amin’izay ataony rehetra amin’ny fiaianany. Koa katsaho àry aloha, ny fanjakan’Andriamanitra sy ny fahamarinany dia omena anao ny sisa rehetra.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...