Nanomboka tamin’ny Konsily tao Vienne, France (1311-1312), faha-Papa Clémént V, dia nofoanana ny «Ordre» atao hoe «des Templiers» izay karazana moines sady miaramila mpiady, miaro ny Tany Masina sy nanohitra ireo fahavalon’ny finoana (izany efa nahazo fankatoavan’ny Papa ny 29 Mars 1139). Io Konsily io koa no nanameloka ny fahadisoan’ireo Beguards momba ny fampianarany mikasika ny fahalavorariana ara-panahy. Nambara mazava àry fa ny fanahin’ny olona dia isan’ny mandrafitra tokoa ny tenany sy miray tanteraka aminy (natao izany mba ho fanoherana an’i Pierre de Jean Olivi). 

Ny Konsily tao Costance (1414-1418) no nanamarika ny fifaranan’ny fisarahana nisy teo amin’ny samy Tandrefana. Niadian-kevitra ary tapaka tamin’izany ny fanamelohana ny hevi-dison’i Wicleff momba an’ireo Sakramenta, ny mikasika ny Lalàm-panorenan’ny Fiangonana sy ireo hevi-dison’i Jean Huss, ny amin’ny Fiangonana tsy hita maso (Eglizy mpandresy sy sambatra), ho an’ireo Voafidy mialoha [ho voaavotra].

Ny Kosily tao Bazilea-Ferrara, Florence (1431.1438-1445) no niezaka sy nadamina akaiky ny amin’ny fiombonan’ireo Grika sy Armena tamin’ny Papa, ary nanao fanambaràna mazava mahakasika ny Fanahy Masina: “procède” [izay avy amin’ny Ray sy ny Zanaka]. Nohazavainy koa ny amin’ny Eokaristia sy ireo zava-baovao [efatra aorian’izao fiainana izao] (ho an’ireo Grika). Namoaka Hitsivolana momba ny Sakramenta (ho an’ireo Armena). Nanazava mikasika ny Trinité Masina sy ny Fahatongavano ho Nofo (indrindra ho an’ireo Jakobita).

Ny Konsily Lateranezy V (1521-1517) dia nanao famaritana mikasika ny «ambiroa» na fanahin’ny olona izay tsy zavatra tokana ka hoe hiombonan’ny olon-drehetra, fa samy manana ny azy avy ny olona tsirairay, ary isan’ny mamorona ny vatana (dia ny tenany) sady miray tanteraka aminy, no tsy mety maty ihany koa [ka tsy mety ho levona]..