Ny Papa François dia manentena sy mitondra am-bavaka ny olombelona rehetra mba hiaina anaty ny fandriampahalemana sy hanaja ny tontolo iainana. Ny tontolo iainana lehibe indrindra dia ny fahaizana mpiara-belona mihavana amin'ny tenany sy ny manodidina azy ary ny fahaizana mikolokolo ny fihavanana. Ao anaty ny fiombonana no misy ny tena fiadanana, ary ao anatin'ny fiadanana no misy ny filaminana tanteraka.

Mila fanabeazana sy fitaizana ny vahoaka kristiana ary izany no isan'ny adidin'ny Eglizy, izay ilay hatao hoe "asa-pamonjena tontosain'ny laïka" na "apostola de laïcs" voaresaka ao amin'ilay "Decretum de Apostolatu Laicorum" navoaka tamin'ny 18 novambra 1965. Io "Decretum de Apostolatu Laicorum" dia mifamatotra tanteraka amin'ny fomba fampiasàna ny fitaovan-tserasera sy sôsialy, izay mihamatanjaka ankehitriny.