Alakamisy 06 febroary 2020 — Herinandro fahefatra mandavantaona — Evanjely Masina nosoratan'i Masindahy Marka 6, 6-13 — Alao tampina ny masoko, ry Tompo, hibanjina ny zava-mahagaga amin'ny lalanao.
Eto amin’ity Evanjely ity no manomboka ny fifandraisan’i Kristy sy ny mpianany. Miantso ny roa ambin’ny folo lahy Izy hifampizara amin’izy ireo ny asa nanirahana Azy dia “ny hitory ny Fanjakan’Andriamanitra sy ny hanasitrana ny aretina mbanin’ny rofy rehetra”.
Mba hanahafan’izy ireo an’i Kristy, nanao laharam-pahamehana ny asa anirahana Azy, no tsy maintsy hanarahan’izy ireo ny toromarika omeny: ho olon’afaka tanteraka, tsy hiakin-doha na ho voafatopatotry ny zavatra hafa, hanana ny toe-tsaina misionera ka ho vonona mandrakariva handeha any amin’ny toerana anirahana, hanao vaindohan-draharaha ny asa anirahna ary tsy ho kivy manoloana ny tsy fandraisan’ny olona na ny toerana nanirahana.
Jesoa ô, miantsoa Apôstôly miaina sy manatanteraka hatrany ireo toromarika omenao, hitafy fahantrana ka tsy hatoky afa-tsy ny herinao, izay harena ambony indrindra ka hanao izay handrenesana hatrany ny Teninao sy hizarz ny Fitiavanao amin’ny olona rehetra.
