Zoma 8 janoary 2021 — Herinandro manaraka ny Epifania — Nitory ny Evanjelin’ny Fanjakan’Andriamanitra i Jesoa, ary nanasitrana ny aretina sy ny rofy rehetra tamin’ny olona — Evanjely Masina nosoratan'i Masindahy Lioka 5, 12-16

Ny habokana dia aretina tena ratsy ho an’ny Jody, ary ireo boka aza dia tsy avela mihitsy hifampikasoka amin’ny fiaraha-monina. Eto amin’ity Evanjely ity dia manam-pahasahiana ity boka iray nanatona an’i Jesoa, satria fantany fa Izy irery ihany no afaka manasitrana azy. Fihetsika feno fanetren-tena no nasehony satria niaiky ny tsy fahadiovany izy na ara-batana na ara-panahy : "Tompoko, raha mety ianao, mahay manadio ahy". Eo amin’ny fiainantsika àry dia miandry an’io teny io foana i Jesoa mba hahafahany manampy antsika sy manova ny fiainantsika.

Ankehitriny ny habokana dia ireo fahotana izay ao am-pontsika ao. Izy Jesoa ihany anefa no afaka hanasitrana izany raha manao dingana sahala an’ity boka ity isika : manatona Azy am-panetren-tena sy am-pahamarinana. Izany dia atao ao anatin’ny sakramentan’ny fampihavanana izay ny Pretra no manadio antsika, izany hoe mamela ny fahotana amin’ny anaran’ny Ray sy ny Zanaka sy ny Fanahy Masina, mba ahafahantsika miombona indray amin’Andriamanitra sy ny Eglizy. Tahaka izay koa, ity boka ity rehefa sitrana, nasain’i Jesoa niseho tamin’ny mpisorona mba hahafahany indray niverina any amin’ny fiaraha-monina.

Ilaina tokoa àry, araka izany, ny fanekena an’ireo habokana izay ao am-pontsika ka mahatonga tsy hadio. Izay no manosika antsika ho any amin’i Jesoa amim-pahatokisana sy amim-panetren-tena, mba ho sitraniny.

[Miara-dàlana] Alatsinainy 13 mey 2024

♦ Ny asan'ny mazava dia ny soa, ny fahitsiana ary ny fahamarinana, io lohateny entin'ireo Eveka hanentanana ny vahoakan'Andriamanitra sy ireo tsara sitrapo rehetra, ao anatin'ny hafatra izay navokan'izy ireo... ♦ Ny fiveranan'i Jesoa any amin'ny Rainy, dia tsy tokony heverintsika ho toy ny fialantsika ety an-tany, fa ho toy ny fahitantsika dieny mialoha izy hiafarantsika, ary satria i Kristy efa nampiseho antsika ny làlana, dia nanentana ny mpino rehetra ny Papa François omaly, nandritra ny vavaka Ry Mpanjakavavin'ny Lanitra, mba hanatanteraka ny asa rehetra amim-pitiavana...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...