Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Mompera Cosimo Alvati

Talen'ny Radio nanomboka 1998 hatramin'ny 2006.

Mompera Franck Randriamiandrinirinarivo

Talen'ny Radio nanomboka ny taona 2015.

Radio Don Bosco

Plus je l'écoute, plus je l'aime

previous arrow
next arrow
Slider

Ny 16 ka hatramin’ny 04 avril 2020 no ho tanterahina any Turin-Valdocco ny “Chapitre générale faha-28” (CG28) ho an’ny Fikambanana salezianina. Hafatra roa lehibe no ampitain’izao fivoriam-be izao : ny fiverenana any Valdocco, trano foiben’ny salezianina, taorian’ny 62 taona lasa, ka  ny CG18 no natao farany tany, ary ny fivoriam-be handinihina ny hoe “salezianina toy inona no ilain’ny tanora ankehitriny?”

Ny fanentanana ho an’ny fikambanana dia ny hifantohana amin’ny endriky ny salezianina mba hamerenana ny halalina sy ny harem-panahin’ny fanomezam-pahasoavana manokana, sy ny « ny fahavononana hihaino araka izay tratra ny filan’izao vaninandrontsika izao », ao anatin’ny tranga rehetra iainan’ny salezianina

Voaantso avokoa ny saleziana, na tsy mivantana aza, hitondra ny anjara birikiny hanampiana ireo mpandray anjara amin’ity fivoriam-be ity hanazavana ny andraikitra. Miisa 242 ny mpandray anjara ka anisan’izany i P. Charles Armand Randimbisoa, lehiben’ny Fikambanana salezianian aty Madagasikara  sy P. Innocent Bizimana, misolo tena ny salezianina avy aty Madagasikara.

Tari-dalana telo no holalinina araka ny taratasy fiantsoana nalefan’ny Lehiben’ny Fikambanana salezianina maneran-tany. Manentana izy mba hamaly ny faniriana, “ny faniriana fatratra amin’ny maha-olombelona”, ny fanamafisana lalina kokoa ny aim-panahy, ary ny fifandrindrana eo amin’ny asa sahanina ho matotra kokoa.

Fanamby amin’izany ny fandalinana ny iraka ataon’ny salezianina eo amin’ny tanora ankehitriny. Ankoatr’izany, ity fivoriam-be ity dia tokony hanoritra ny toetra maha-izy ny salezianina izay miofana mba hanompo an’i Kristy sy ny tanora ankehitriny. Ary farany, misy ihany koa ny fifampizarana iarahana amin’ny laika momba ny iraka sy ny fiofanana ho an’ny ho avy. Sarotra ny olana dinihina amin’ity fivoriam-be ity nefa tena manan-danja tokoa.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...