Nanolotra tampim-bava ho an'i Chine i Vatican

Mba ho iray ihany izy ireo

Alakamisy 28 mey 2020 — Herinandro fahafito amin'ny Paka — Evanjely Masina nosoratan'i Masindahy Joany 17, 20-26 — Raha niara-nitsangana tamin'i Kristy ianareo, dia ny zavatra any ambony amin'izay itoeran'i Kristy eo ankavanan'Andriamanitra no katsaho.

Salezianina toy inona ?

Ny 16 ka hatramin’ny 04 avril 2020 no ho tanterahina any Turin-Valdocco ny “Chapitre générale faha-28” (CG28) ho an’ny Fikambanana salezianina. Hafatra roa lehibe no ampitain’izao fivoriam-be izao : ny fiverenana any Valdocco, trano foiben’ny salezianina, taorian’ny 62 taona lasa, ka ny CG18 no natao farany tany, ary ny fivoriam-be handinihina ny hoe “salezianina toy inona no ilain’ny tanora ankehitriny?”

Masindahy Germain de Paris (Kintan'ny finoana) 28/05/2020 06:30
Mba ho iray ihany izy ireo (Tenin'ny Tompo) 28/05/2020 04:00
Masindahy Augustin de Cantorbéry (Kintan'ny finoana) 27/05/2020 06:30
Ho iray tahaka antsika anie izy ireo (Tenin'ny Tompo) 27/05/2020 04:00
I Vola [12] (Tantara) 26/05/2020 08:40
Masindahy Philippe Néri (Kintan'ny finoana) 26/05/2020 06:30
Omeo voninahira ny Zanakao (Tenin'ny Tompo) 26/05/2020 04:00
Masindahy Bède le Vénérable (Kintan'ny finoana) 25/05/2020 06:30
Mpampianatra sy mpianatra manomana fanadinam-panjakana anaty fihibohana (Ampela mihary) 25/05/2020 05:00
Matokia, efa nandresy... Aho (Tenin'ny Tompo) 25/05/2020 04:00

: Nosoratan'i Ratovohery Rondro Mirambola; Lohahevitra : Zenit; Naseho ny : 4 febroary 2020

Mitondra ny anjara birikiny ho fanampiana an'i Chine amin'ny fiatrehana ny valanaretina entin'ny Coronavirus ny eo anivon'ny Fiketrahana Masina.

Nandefa tampim-bava miisa 700.000 any Chine ny ao Vatican ho fandraisany anjara amin'ny ady atao amin'ny fihanaky ny tsimokaretina. Nalefa mivantana any amin'ny faritanin'i Hubei misy an'i Wuhan izay toerana voalaza ho niandohan'ity valanaretina entin'ny coronavirus ity sy any Zhejiang ary Fujian ireo tampim-bava ireo. Nilaza ny talen'ny famoaham-baovao eo anivon'ny Fiketrahana Masina, Matteo Bruni, fa tsy mbola misy atahorana amin'ny mety hahatongavan'io valanaretina io any Vatican ankehitriny. Efa tafakatra 427 moa ny isan'ireo namoy ny ainy vokatry ny coronavirus, tato anatin'ny iray volana mahery niandohan'ny aretina ka any Chine avokoa ny 425 amin'ireo. Tompo-marika tamin'ny fandefasana ireo tampim-bava marobe ireo ny Kardinaly Konrad Krajewski (aumônier du pape) sy ny farmasian'i Vatican ary ny "Centre missionnaire de l'Eglise chinoise" any Italie.

2020-05-14 / 22:29:32 - Nitombo 18 ny isan’ireo olona voamarina fa mitondra tsimokaretina coronavirus raha ny valin’ny fitiliana vita hatry ny omaly. Niisa 210 ny fitiliana vita tamin’io omaly io ka ny 13 tamin’ireo no voatily ho miondra ny tsimokaretina. Avy tamin’ireo olona 67 namerenana ny fitiliana kosa ny 5. Natao teto Antananarivo ny 185 tamin’ireo fitiliana 210 ary tany Toamasina ny 25. Olona iray no sitrana omaly. Miisa 230 izany hatramin’izao ny fitambaran’ny olona voamarina fa mitondra ny tsimokaretina nanomboka ny 19 marsa. Efa sitrana ny 108 amin’ireo ary mbola manaraka ny fitsaboana any amin’ny hôpitaly ny 122.

2020-05-14 / 22:24:16 - Avy any Moramanga ny 11 tamin’ireo voatily miisa 13 omaly alarobia ary avy any Toamasina ny 2. Lehilahy ny 7 tamin’ireo voatily tany Moramanga ary vehivavy ny 4. Eo anelanelan’ny 25 sy 60 taona izy ireo. Lehilahy iray 32 taona sy vehivavy iray 26 taona kosa ireo olona 2 voatily avy any Toamasina. Ireo olona 5 nanaovana ny fitiliana naverina kosa dia lehilahy ny 3 amin’izy ireo ary vehivavy ny 2. Avy eto Antananarivo ny 2 tamin’izy 5 ireo ary avy any amin’ny faritra Atsinanana ny 3.

2020-05-14 / 22:18:00 - Nakatona nanomboka tamin’ny alatsinainy 11 mai teo ny sampan-draharaha misahana ny fitsaboana ny homamiadana ao amin’ny HJRA Ampefiloha. Nakatonona ho fanarahamaso sy fanokana-monina ireo mpitsabo sy marary manaraka fitsaboana ao amin’io sampana io, taorian’ny fahafatesan’ny marary iray avy any Toamasina tamin’ny sabotsy 9 mai teo. Nandalo ny fitiliana coronavirus izy ireo ka niiba avokoa ny valin’izany. Niverina nisokatra nanomboka androany alakamis 14 maiy io sampana io.

2020-05-12 / 22:48:41 - Nitombo 6 ny isan’ireo olona voamarina fa mitondra ny tsimokaretina coronavirus raha ny valin’ny fitiliana natao ny alatsinainy 11 mai. Avy any Toamasina avokoa ireo trangan’aretina 6 ireo. Miisa 192 izany ankehitriny ny isan’ny olona voatily fa mitondra ny tsimokaretina hatramin’ny nanambarana ofisialy ny fisian’ny coronavirus eto Madagasikara, tamin’ny zoma 20 marsa teo. 2 no sitrana omaly alatsinainy ka ny 107 amin’ireo 192 ireo izany izao no efa sitrana hatramin’izao. Mbola manaraka fitsaboana any amin’ny hôpitaly ny 85. Niisa 213 ny fitiliana vita omaly alatsinainy. Miisa 5670 ny fitiliana vita tato anatin’ny 53 andro. Momba ireo tranga 6 vaovao hita tany Toamasina dia lehilahy ny 4 ary vehivavy ny 2. Ny 4 amin’izy 6 ireo ihany aloha no fantatra ny taonany. 13, 14 sy 18 ary 40 taona.

2020-05-12 / 22:40:31 - Nirongatra ny fitombon’ny olona mitondra ny tsimokaretina coronavirus any Toamasina. Tato anatin’ny herinandro izao dia efa tafakatra 24 izany raha ny valin’ny fitiliana. Efa mihoatra ny isan’ny mararin’ny covid-19 raisina ao amin’ny hôpitaly Befelatanana akehitriny ny isan’ireo marary raisin’ny hôopitaly any Toamasina, noho izay firongatry ny valanaretina any any-toerana izay. Marihina fa efa vokary ny fifampikasohana avokoa no hifindran’ny tsimokaretina coronavirus eny anivon’ny fiarahamonina eny ankehitriny.

2020-05-12 / 22:35:49 - Andro iraisam-pirenena ho an’ny infirmiera ny 12 Mai. Tamin’ny taona 1965, tsiahivina, no nametrahan’ny filankevitra iraisam-pirenen’ny infirmiera io datin’ny 12 Mai io. Miezaka manamarika izany isan-taona io filankevitra io ka tato anatin’ny 40 taona izao dia misy hatrany ny fampahafantarana azy io miainga amina lohahevitra momba ny asan’ny infirmiera manerana izao tontolo izao. Amin’ity taona ity àry dia noraisina ho lohahevitra anamarihana izay andro iraisam-pirenen’ny infirmiera izay ny hoe : « Ny asan’ny Infirmiera, feo iray natao hitarihana mankany amin’ny tontolo anatin’ny fahasalamana ». Manana anjara toerana sy andraikitra goavana amin’izao fiatrehana ny ady amin’ny covid-19 izao ny infirmiera.

2020-05-11 / 13:05:36 - Nampiaka-peo, mitaky ny hijeren’ny fanjakana azy ireo, ny mpisehatra amin’ny fampiarana tsy miankina, manoloana ny vokatry ny krizy ara-pahasalamana ankehitriny. Mangataka fanampiana, toa ny natao tamin’ny mpampianatra amin’ny sekolim-panjakana izy ireo ka nanome 72 ora ny fanjakana, hijerena vahaolana maharitra amin’izao fiatrehana ny ady amin’ny covid-19 izao. Tsy vahaolana mandalo no andrasan’ny sekoly tsy miankina fa fiaraha-miasa eo amin’ny fanjakana mba hanamaivanana ny fahasahiranan’ny ray ana-dreny amin’ny fampianarana ny zanany. Mangataka ny hihaona amin’ny minisitry ny fanabeazam-pirenena, ny fampianarana teknika sy ny fanofanana arak’asa izy ireo aorian’io fe-potoana 72 ora nomeny io.

2020-05-11 / 13:01:36 - Tsy nisokatra ny fiangonana FJKM Saovimasoandro sy Alarobia Amboniloha omaly alahady ho fampiharana ny baiko avy amin’ny sinaodam-paritany Antananarivo avaradrano, nomena ny mpitandrina iroe fiangonana ireo , tamin’ny zoma teo. Fepetra noraisina manoloana ny fisian’ny valanaretina covid-19 eny amin’ireo faritra ireo. Tamin’ny alalan’ny peta-drindrina no nampahafantarana ny mpino amin’ny tsy fisian’ny fotoam-bavaka. Ankoatra ireo fiangonana FJKM 2 ireo dia fantatra fa tsy nisy koa ny fotoam-pivavahana tao amin’ny FJKM Ivandry sy Ambohijatovo Fitiavana. Marihina fa tsy nanome baiko ny amin’ny fanakatonana ireo fiangonana ireo ny avy amin’ny prefektioran’Antananarivo.

2020-05-11 / 12:53:22 - Miisa 20 ny olona efa voasambotra, voarohirohy amin’ilay raharaha fakàna an-keriny teratany karana, teny Ambatobe, tamin’ny 27 avrily teo. Mitohy ny fikarohana an’i Ramandiamanana Norbert na i LAMA izay voalaza ho atidoha nikotrika izany. Tsy maintsy hatao izay hahatrarana azy io ka hisy ny fanomezana vola 200 tapitrisa ariary izay mahita na afaka manome vaovao momba io olona io. Ho tazonina tsiambaratelo ny mombamomba izay olona manome vaovao sy ny tsy maintsy hiarovana azy. Efa an-taonany maro, tsiahivina, no nikarohana an’i LAMA izay voasokajy ho jiolahy mpamerin-keloka amin’ny fanaovana kidnapping. Raisina avy hatrany ho mpiray tsikombakomba amin’ny mpanao ratsy izay olona mampiantrano ireny olona henjehin’ny fanjakana ireny. Laharan-telefaonina azo antsoina ho an’izay manana vaovao momba izao fakàna an-keriny izao, ny 034 60 969 96 na ny 034 14 006 21.

2020-05-08 / 12:23:31 - Miantso amin’ny tokony hisian’ny fakan-kevitra ho fanarenana ny toekarena sy ny sosialim-bahoaka, aorian’ny covid-19, ny filohan’ny RDS, Fetison Rakoto Andrianirina. Ho tanterahina amin’ny alalan’ny "fakan-kevitra mivelatra izany, hitondran’ny tsirairay ny anjara birikiny ho entina manarina sy manamafy ny laviny ara-toekarena sy ara-tsosialin’ny firenena. Tsinjaraina 3 mazava ny asa amin'izany. Voalohany ny fiantsoana izay manan-kevitra hananganana" drafi-pahamehana". Faharoa ny fifantenana sy fametrahana vaomiera handrafitra ny fepetra azo ampiharina avy amin'ireo tolokevitra. Fahatelo ny fanolorana ny tolokevitra amin'ny filoham-pirenena aorian'ny fandalovan'izany eny amin'ny antenimiera 2 tonta, hamaritana ny ho fanatanterahana izany.