Sabotsy  4 jona 2022 — Herinandro fahafito fankalazana ny Paka — Hirahiko ho eo aminareo ny Fanahin’ny Fahamarinana, hoy ny Tompo; Izy no hitari-dalana anareo amin’ny marina rehetra — Evanjely Masina nosoratan'i Masindahy Joany 21, 20-25

Niaiky ny tsy fahaizany mitia an’i Jesoa i Simona Piera araka ny resatsika omaly, fa vonona tanteraka tokoa ny lehilahy anio. Vonona ny hiainga indray izy, vonona ny ho mpianatra, izany hoe, mangetaheta ny hanara-dia an’i Jesoa amin’i fomba vaovao izy. Toetra tokony hananan’ny mpianatr’i Kristy hatany izany, izany hoe mila miainga indray rehefa nahatsapa tena fa namadika an’i Kristy. Noho izany tsy mila ny hampitaha amin’ny hafa isika na oviana na oviana isika ka hanao tahaka ny nataon’i Piera hoe : "Tompoko, mba inona kosa no ho anjaran’ity ?". Manakana antsika tsy haheno ny antson’Andriamanitra izay miantso antsika isan’andro ny hanara-dia Azy izany voalohany indrindra avy eo manakorontana ny fo amam-panahintsika ihany koa satria voatery hanao fampitahana hatrany eo amin’ny fiainana.