Vakiteny voalohany

Bokin’i Jôba (Jôb. 38, 1. 12-21 ; 40, 3-5)

Mba efa nandidy ny maraina va ianao sy mba efa nidina tany amin’ny loharanon-dranomasina?

Ny Tompo namaly an’i Jôba tao anatin’ny tafio-drivotra ka nanao hoe:

“Mba efa nandidy ny maraina va ianao hatrizay niainanao?
Moa nanondro ny fitoerany tamin’ny mazava atsinanana,
mba handraisany ny tany amin’ny sisiny,
sy hanintsanany ny ratsy fanahy hiala eo,
mba hananan’ny tany endrika toy ny tanimanga voatombo-kase,
ary hisehoany voaravaka toy ny manao fanamiana;
mba tsy hananan’ny mpanao ratsy ny fahazavany;
ary hotapahina ny sandry efa voaainga hanao ratsy?
Mba efa nidina tany amin’ny loharanon-dranomasina va ianao,
sy efa nitsangantsangana tany amin’ny fanambanin’ny hantsana va ianao?
Efa nisokatra teo anatrehanao va ny vavahadin’ny fahafatesana
sy efa hitanao va ny varavaran’ny fonenana manjombona?
Efa takatrao va ny halalahan’ny tany?
Lazao raha mahalala izany rehetra izany ianao?
Aiza ny lalana mankany amin’ny fonenan’ny mazava,
ary aiza ny fitoeran’ny maizina?
Hainao samborina va izy eny amin’ny taniny?
Fantatrao va ny lalana eny amin’ny fonenany?
Fantatrao tokoa mantsy izany a, fa ianao efa teraka talohan’izany
ary efa maro manao ahoana ny isan’ny andronao?”

Fa namaly ny Tompo i Jôba nanao hoe:

“Inona moa no havaliko Anao izay izaho tsinontsinona ity?
fa dia mitampim-bava aho.
Efa niteny indray mandeha ka tsy hamaly intsony,
efa indroa aza, ka tsy hanampy aho, na dia kely aza.”

— Izany àry ny tenin’ny Tompo.

Setriny

Salamo 138, 1-3. 7-8. 9-10. 13-14ab

Tariho aho ho amin’ny lalam-pahagola.

Tompo ô, mandinika ahy Ianao, ka mahafantatra!
Fantatrao aho na mipetraka na mitsangana;
mbola lavitra, dia tsinjonao ny hevitro!
Voadinikao aho na mamindra na miato;
ny lalako tsy misy manavao Anao.

Aiza no hialako amin’ny Fofon’ainao?
Aiza no handosirako tsy ho anoloanao?
Raha mananika ny lanitra aho, any Ianao;
mitakoko any an-tSeoly, io koa Ianao!

Raha maka ny elatry ny mazava atsinanana aho,
mba honina any am-paran’ny ranomasina,
mbola ny tananao no mitondra ahy any,
eny: ny tananao no mitantana!

Ianao no nahary tongotra aman-tanana,
sy Mpiaro hatrany an-kibon’ineny.
Midera Anao aho fa mahatalanjona ity Ianao!
Eny, mampitolagaga ny asanao!

Evanjely

Aleloia. Aleloia.

Aza mba hamafisina ny fonareo anio, fa henoy ny feon’ny Tompo.

Aleloia.

Evanjely Masina nosoratan’i Masindahy Lioka (Lk. 10, 13-16)

Izay manamavo Ahy, manamavo Izay naniraka Ahy.

Tamin’izany andro izany, i Jesoa niteny hoe:

“Loza ho anao, ry Kôrôzaïna, loza ho anao, ry Betsaida!
fa raha izay no natao tany Tira sy Sidôna ny fahagagana natao taminareo,
dia ela no ho efa nibebahany tamin’ny akanjo malailay sy tamin’ny lavenona.
Noho izany, amin’ny andro fitsarana
dia ho moramora kokoa ny ho amin’i Tira sy Sidôna noho ny aminareo.
Ary ianao, ry Kafarnaôma izay misondrotra hanakatra ny lanitra
dia haetry hatrany amin’ny afobe ianao.
Izay mihaino anareo mihaino Ahy, ary izay manamavo anareo manamavo Ahy;
izay manamavo Ahy anefa dia manamavo Izay naniraka Ahy.”

— Izany àry ny tenin’ny Tompo.

[Miara-dàlana] Zoma 27 desambra 2024

  • Nanolotra fiarahabana sy firarian-tsoa ho an'ny Noely, ireo Ray aman-dReny eo anivon'ny Fiangonana...
  • Nanao antso avo ho an'ny fandriam-pahalemana any amin'ireo firenena ravan'ny ady ny Papa François, ny alarobia 25 desambra 2024, tao anatin'ny hafatra ho an'ny Noely...
  • Ankoatra ny ao amin'ny Bazilikan'i Masindahy Pierre, dia nanokatra ny Varavarana Masina iray ao amin'ny fonja ao Rebibbia ao Roma ny Ray masina, ny 26 desambra 2024...
Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...