Tontosa tao amin'ny Centre Notre-Dame de Clairvaux Ivato ny Kongresy faha efatry ny Salezianina Koperatera eto Madagasikara sy ao amin'ny Nosy Maorisy, ny 29 oktobra hatramin'ny 03 novambra 2019 lasa teo.

Nandrasana ny fahatongavan-dry zareo avy ao Maorisy tamin'ity Kongresy ity saingy tamin'ny ora farany dia nisy tsy fahafahan'izy ireo, noho izany dia ny conseil local avy any Bemaneviky, Toliara, Mahajanga, Fianarantsoa, Betafo, Ivato ary ny mpikambana tao Ivato niampy solon-tenan'ny aspirant iray tao Manazary no namonjy izany, izay miisa 54.

 Nanao ny fampahafantarana ny Salezianina Koperatera eto amin'izao tontolo izao sy ny eto Madagasikara i Masera Valérine, Mompera Innocent, Lalasy ary Lova. Natao ny sabotsy tolakandro kosa ny fifidianana izay ho Filan-kevitra Provinsialin'ny Salezianina Koperatera eto Madagasikara sy ao amin'ny Nosy Maorisy. Fifidianana izay natrehin'ny Mompera Provincial, P. Randimbisoa Charles Armand. Andriamatoa Tomara Clarence, antsoina hoe: Lalasy, izay efa nitantana ity Filan-kevitra ity hatrany no lany ho mpandrindra Provinsialy. Razanakolona Liva, Ralaiariliva Lova Maurice, Olga, Domoinafanjalalao Anna Antoinette kosa no voafidy ho filan-kevitra Provinsialy. Marihina fa mandritra ny telo taona no hitantanan'izy ireo.

Ny alahady 03 novambra 2019 dia nisy ny fivahinianana masina natao teny Ambiatibe. Natomboka tamin'ny lalan'ny Hazofijaliana, niarahana nivavaka tamin'i Md Jacques Berthieu. Narahina sakafo antoandro, jery todiky ny Kongresy ary nofaranana tamin'ny Lamesa izay notarihin'i Mompera Innocent izay Délégué Provinsialy. Nifarana teo ny Kongresy, nody ny harivan'io ihany ry zareo avy any Mahajanga, ny sisa kosa ny alatsinainy no nitodi-doha niverina nody.

Hery lehibe ho an'ny fikambanana ny fahavitan'ny fifidianana sy ny Kongresy, noho izany adidy maro no miandry ireto Filan-kevitra vaovao ireto.

Miarahaba anareo aho

Nihaona tamin’ny Papa François ny talata 30 novambra 2021 ny Filohan’ny Fivondronamben’ny Eveka eto Madagasikara, Mgr Marie Fabien Raharilamboniaina, Evekan’i Morondava. Maro ny dinika nifanaovan’izy ireo : ny zava-misy iainan’ny vahoaka Malagasy, ny JMJ 2022, ireo diosezy mbola tsy manana eveka… Indro ary ny hafatra manokana avy amin’ny Papa François ho an’ny vahoaka Malagasy tao aorian’ny fihaonan’izy ireo.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Tondrozotran'ny Firohotan'ny Tanora Salezianina

Ny sabotsy 31 jolay 2021 tamin'ny 2 ora sy sasany folak'andro lasa teo, oran'ny Roma, no notanterahana ny fivoriambe nataon'ny tompon'andraikitry ny MSJ (Mouvement Salésien des Jeunes) na Firohotan'ny Tanora Salezianina maneran-tany, izay niarahan'izy ireo tamin'i solontenan'ny pastoralin'ny tanora sy ny mpandrindra an'ity MSJ ity. Araka ny atontan'isa dia nahitana mpandray anjara miisa 130 tamin'ity fivorianam-be ity.

Tohiny...