• Eto izao ianao :  
  • Fandraisana

♦ Tsy misy miova ny fampianaran'ny Eglizy Katôlika momba ny mariazy, hoy i Mompera Jean Séraphin Rafanomezantsoa, manoloana ny fanambarana navoakan'ny Dikasteran'ny Fampielezana ny Finoana, momba ny fanambadian'ny olona mitovy fananahana... ♦ Fanendrena Eveka, Sinaody, fananganana Olomasina, fiainam-pirenena: ireo no nivoitra tamin'ny dian'ireo mpikambana ao amin'ny Birao Maharitry ny Fivondronamben'ny Evekan'i Madagasikara tany Rôma, tamin'ny faran'ny volana nôvambra teo...

Manana ny toerana manokana ary manan-danja ny safidy eo amin'ny fanatsarana ny fiainana. Aoka tsy hatao ambanin-javatra ny safidy ary mizàra maneho safidy. Fandaharana "mba ho vanona" iarahana amin'ny jeneraly Désiré Ramakavelo.

♦ Ho fiomanana amin'ny Kôngresy Nasiônalin'ny MCCP amin'ny taona 2025, dia nanatanteraka Kôngresim-paritra ny MCCP Arsidiôsezy Avaratra... ♦ Nifanindran-dalana tamin'ny Fitsidihana Pastôraly nataon'ny Arsevekan'Antsiranana tao amin'ny Eglizy Iraka Immaculée Conception Andapa, ny fankalazana ny faha-200 taonan'ny masera Filles de la Charité du Sacré-Cœur de Jésus... ♦ Tafajoro ny 8 desambra tao amin'ny Paroasy Katedraly Masindahy Josefa Ambanja, ny Vondrom-bakaka Fihavaozana Karismatika Katôlika Fiombonana Immaculée Conception...

Alahady fahatelo amin'ny Fiavian'ny Tompo : Mifalia fa akaiky ny Tompo ; ato amiko ny fanahin'ny tompo, nirahiny hitondra teny soa mahafaly amin'ny malahelo aho. Evanjely Masina nosoratan'i Md Joany 1, 6-8 ; 19-28 : Nisy lehilahy anankiray nirahin'Andriamanitra, Joany no anarany ; tonga ho vavolombelona hanambara ny Fahazavana izy, mba hinoan'ny olon-drehetra noho ny teniny. Tsy izy anefa no Fahazavana fa tonga ho vavolombelona manambara ny fahazavana fotsiny izy... Alahadin'ny hafaliana no iantsona ny alahady fahatelo amin'ny fiavian'ny Tompo. Ny hafaliana no tokony hanenika ny mpanara-dia an'i Kristy na amin'ny mora na amin'ny sarotra...

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...