Ndao hisoratra anarana anaty lisim-pifidianana
Fanavaozana tanteraka ny lisi-pifidianana: aoka tsy hanenenana na inona na inona, andao hisoratra anarana amin’ny lisi-pifidianana. Zo ny mifidy ary malalaka ny rehetra na te hampiasa ny zony na tsia, torak’izany koa ny fisoratana anarana amin’ny lisi-pifidianana.Na izany aza, mba ho solontenan'ny vahoaka malagasy, ary ho an'ny demokrasia ity lisitra ity, dia atao ny ezaka mba ho maro no ho voasoratra anarana ao anatiny. Fandaharana "miaina sy mitia" iarahana amin'ny Centre Arrupe Madagascar.
Ny fianakaviana sy ny Sakramentan'ny Batemy (5)
Sarotra ny fampitana ny finoana amin'ny tanora ao an-tokantrano noho ireto antony ireto : mafy ny tosika etin'ny teknôlôjia, miakatra ny vidim-piainana, tsy miaina loatra ny finoana ny olona fa mihefitra izany ho fialamboly. Tsy afaka ny hilaza isika fa tsy mila ny fandrosoana , indrindra ny teknôlôjia, satria azo lazaina fa efa tara be isika eto Madagasikara mihoatra amin'ny firenena hafa. Katesizy momba ny fianakaviana sy ny Sakramentan'ny Batemy, iarahana amin'i P. Rafaralahimboa Justolat.
Ny firariantsoa
Vaovao ny taona (2023), firariantsoa no tsara hifampizarana. Hirina mba hitondra fahatsaram-piainana noho ny vina sy ny tanjona ity taona ity. Mamporisika antsika hanao ezaka ary hijoro amim-pahavanonana. Fandaharana "mba ho vanona" iarahana amin'i Jeneraly Ramakavelo Désiré.
Ny rafozana sy ny vinanto
Misy olana foana matetika eo amin'ny rafozana sy ny vinanto noho ny maha samy hafa ny fiainana nihainana tany amin'ny tokantrano niaviany. Vahaolana ny fampianarana ny olona handray rafozana vaovao sy vinanto vaovao. Ny rafozana dia mila manao ezaka mamantatra ilay vinanto, ao anatin'ny fifanajana, fahanginana, fihainoana. Fanekena sy fandraisana araka ny maha-izy azy ilay vinanto. Tadiavina sy volena ny fiaraha-monina vaovao ahitana : fisokafana. Ny vinanto dia mila mahay mihaino, mila misokatra ny saina, tsy maneho toetra tia mitsara. Miaraka mandrindra ny fifandraisana sy ny fiaraha-monina ny roa tonta. Atao zava-dehibe ny fahasamihafana mba hifamenoana, tsy ny rafozana foana no manana ny marina...
[Miara-dàlana] Zoma 9 mey 2025
• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco