Mamaha olana amin'ny tsy fahitan'ny tanora asa ny filofosana amin'ny fiompiana. Isan'ny nahazo vokatsoa tamin'izany Andriamatoa Randrianarisoa Lancia. Niainga tamin'ny bitro miisa 5, Andriamatoa Randrianarisoa Lancia, monina ao amin'ny Kaominina Anjepy, distrikan'i Manjakandriana, ankehitriny efa maherin'ny 2.000 isa ny bitro novokariny tao anatin'ny taona vitsy.

Resiko lavitra hoy Lancia ny mpiasam-panjakàna amin'ny vola miditra noho ity fiompiana bitro ity. Miisa 10 isan-kerinandro ny bitro vaventy raisin'ny trano fisakafoana mamandritra azy. Ao anatin'ny iray volana hoy izy an-tapitrisany ny vola miditra aminy.