Hiroso amin'ny fifidianana any amin'ny fokontany, ny kaominina, ny distrika ary ny faritra ny eo anivon'ny Tranoben'ny Tantsaha Mpamokatra manomboka amin'ity volana nôvambra ity. Tapitra mantsy y fe-potoan-kiasan'ny birao sy ny filan-kevi-pitantanana. Hanomboka ny 20 nôvambra izao ny fifidianana eny anivon'ny kaominina ka ny tantsaha manana karatra maha mpikambana no afaka mandray anjara amin'ny fifidianana ho an'ny eo anivon'ny kaominina noho miakatra...

Ny tantsaha rehetra kosa no afaka mandray anjara amin'ny fifidianana eny anivon'ny fokontany na manana karatra maha mpikambana na ho an'ireo tsy manana izany. Hitohy eny anivon'ny distrika sy ny faritra ny fifidianana rehefa vita izay fifidianana eny anivon'ny Kaominina izay.

Manentana ny tantsaha rehetra hiatrika ny fifidianana manomboka amin'ity volana nôvambra ity ny tranoben'ny tantsaha mpamokatra nasiônaly. Tsy misy ny fampielezan-kevitra ho an'izay fifidianana eo anivon'ny tranoben'ny tantsaha izay hoy ny filoha nasiônaly Razafimbololona Angeline.