Misehatra amin'ny famokarana vary manitra ireo tantsaha kaoperativa Vary Manitra Diégo II na ny KOVAMADI-II, ao Anivorano Avaratra Antsiranana-II. Miroborobo ny famokarana noho ny fampiofanana nokarakarain'ny Réseau SOA ho azy ireo.
Afaka mamokatra vary manitra hatrany amin'ny 200 taonina ny kaoperativa KOVAMADI-II amin'ity taom-pamokarana ity hoy ny filohany Andriamatoa Tombozara Patrice. Miisa 300 ny isan'ny mpikambana ankehitriny ka fanambin'izy ireo ny hamokatra 400 taonina amin'ny taom-pamokarana manaraka.
Mbola ambany aloha ny tahan'ny vokatra miakatra. Manodidina ny 3 taonina isaky ny hektara izany saingy azo hatsaraina hatrany amin'ny 4 na 5 taonina isaky ny hektara izany hoy Andriamatoa Tombozara Patrice. Tian'ny olona ny vary manitra saingy mikaroka lalam-borotra hafa hatrany izy ireo handefasana ny vokatra eo am-pelan-tanan'izy ireo.
