- Eto izao ianao :
-
Fandraisana
-
Fandaharana
-
Fanabeazana
- Andriano ny fahasalamana
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Amin'izao fotoana ny andro ririnina izao no mampitombo kokoa ny fanaintainana eo amin'ny vanin-taolana. Ny fisehony : manaintaina ny vanin-taolana, misy fivontosana, fihetsika voafetra. Tsy tokony hatao ny manotra ny vanin-taolana sao hanapaka ireo ozatra kely mampifandray ny taolana roa. Misy karazany roa ny aretin'ny vanin-taolana na ny arthropathie : ny arthrites na ny fanafihan'ny otrikaretina ny vanin-taolana ; ary ny faharoa dia arthroses, izay fahasimban'ny taolana malemy eo amin'ny loha-taolana. Ny antony : vokatry ny dona, fahanterana, virisy hepatika (mamparary ny aty).
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Ny andro mangatsiaka no mampihetsika ny aretim-bavony, izany hoe ny vanim-potoana ririnina. Ny aretim-bavony dia misy karazany maro : mamaivay, fery anaty, mandrezatra lava, mitsakoahana lava, loaka na maratra na tapaka ny lalan-kanina, ny homamiadan'ny lalan-kanina na ny homamiadan'ny vavony. Ireo fambara mety hisy : maheno fivokonana na mikainkona ao anaty vavony, mamaivay, maloiloy ary mety hando, miziriziry. Ireo karazan-tsakafo mety hampiombo ny aretim-bavony : sakafo betsaka "épices", vinaingitra, toaka, fihinanana fanafody fanalana fanaintainana matetika tsy araka ny toro-mariky ny mpitsabo.
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Ny taovam-pananahan'ny lehilahy dia manana firafitra, izay hita ety ivelany sy ny any anaty. Ireo tazana ety ivelany dia ny filahiana, ny voa izay misy fonony ; ireo ao anatiny kosa dia ny fantson'amany sy ny ranonaina, ny taova mamokatra ranonaina. Ireo aretina mety hahazo ny taovam-pananahan'ny lehilahy : areti-koditra, aretina azo avy amin'ny firaisana na vokatry ny tsy fahadiovana "herpes", syphillis. Mba hitsinjovana ny fahasalamana dia tsy tokony ho tery loatra ny pataloha ary tokony ho "coton" ny karazan-damba manolo-koditra, tandremana tsara mba tsy ho voadona.
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Misy karazany maro ny aretina mety ahazo ny tranon-jaza eo amin'ny vehivavy, mba tsy ho tara loatra ny fitsaboana dia tsara ny manantona ny mpitsabo raha vao misy tranga hafahafa eo amin'ny amin'ny manodidina ny kibo sy ny fivaviana na rera-dava. Ireto misy karazan'aretina : Endométrite, fibrome, omamiadan'ny tranon-jaza sy ny vozon'ny tranon-jaza, tsy fahatomombanana ao amin'ny tranon-jaza. Misy tranga tokony ampiahiahy ireto, izay tokony handrisika ny vehivavy hitsabo tena : mandeha ra tsy ara-potoana, manaintaina ny andovania, manana olana amin'ny fivalanan-drano sy vetiny...
[Miara-dàlana] Zoma 17 mey 2024
♦ Nankahery an'i Mgr Jean Claude Rakotoarisoa amin'ny fanohizana ny asa fitoriana nataon'ireo Eveka nodiambiasany ny Fivondronamben'ny Eveka eto Madagasikara sy ny Solontenan'ny Ray masina eto Madagasikara... ♦ Manentana ny Eglizy rehetra eto Madagasikara hanamarika ny Andro Maneran-tany ho an'ny Ankizy, ny 25 sy 26 mey 2024, ny Vovonam-Pirenena Katôlikan'ny Ankizy eto Madagasikara... ♦ Nanao antso avo amin'ny tsara sitrapo rehetra ny Papa François, mba hanampy ireo vahoaka ao Afghanistan, izay niharan'ny tondra-drano...
Tohiny...Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco