Misedra fahasahiranana ny tantsaha ao amin'ny Faritr'i Menabe. Manjaka ny tsy fandriam-pahalemana any ambanivohitra. Ny vokatra miha-mitotongana noho ny tsy fahampian'ny rano entina anondrahana, indrindra ho an'ny tanimbary...

Tsy mbola mivaha ny olana omba ny tambazotra manondraka ny lemak'i Dabara. Miraviravy tanana ny mponina eny ambanivohitra manoloana izany hoy Andriamatoa Rakotomalala Jean Anjarasoa Raoul na Raoul'jy, filohan'ny Fikambanana VMMF (Vahoakan'i Menabe Miray Fo).

Andohalika ny ranombary ankehitriny, ka mitaraina amin'ireo manam-pahefana isan-tsokajiny ny VMMF. Tsy mitsahatra miantso vonjy amin'ny tompon'andraikitra mahefa aty amin'ny Fanjakàna foibe hijery akaiky sy hamaha ireo olana mianjady ny tantsaha ao Menabe ireo.

Ankohatra ny fitanterana ny feon'ny tantsaha eto an-drenivohitra, mba ho henon'ny tompon'andraikitra samihafa ny zava-misy iainan'ny mponina ao Menabe, dia mikaroka ny fomba hanampiana sy hamahàna ny olan'ny tantsaha ihany koa ny VMMF hoy ny filohany Rakotomalala Jean Anjarasoa Raoul na Raoul'jy, ka amin'ny alalan'ny fampiofanana samihafa no hanehoana izany.

[Miara-dalana] Zoma 25 nôvambra 2022

♦ Manao antso avo amin'ny herivelona rehetra ny Vaomieran'ny Eveka momba ny Rariny sy Fiadanana, hampanjaka ny rariny sy ny fandriampahalemana ary ny fanajana ny zon'olombelona... ♦ Tsy fifanoherana ny fahasamaihafana fa kanto ho an'ny Eglizy, hoy i Mgr Marie Fabien Raharilamboniaina, Evekan'i Morondava... ♦ Fahatokiana sy fitiavana no hafatra nampitain'ny Papa François ho an'ireo mpandray anjara tamin'ny hetsika momba ny foto-pampianaran'ny Fiangonana momba ny fiaraha-monina sy ny sosialy tao Verone, Italie...

Tohiny...

Fitiavana sy famonjena

Hafaliana lehibe ny Noely satria ny fitiavan'Andriamanitra no tonga amintsika, hoy i P. Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice, tamin'ny firarian-tsoan'ny Noely 2021. Tonga ny famonjena izay midika tsy faharahavan'ny fiainana. Io fitiavana sy famonjena io no irariana hanjaka ao amin'ny fiainantsika, ka hifanampy mba hiainan'ny fiadanana sy ny fandriampahalemana.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...