Manao tantsoroka amin'ny fanohanana ara-tsakafo an'ireo mponina ianjadian'ny tsy fanjarian-tsakafo any amin'ny Faritra atsimon'ny nosy ny mpiray ombon'antoka amin'i Madagasikara, isan'izany ny governanta britanika. Nanolotra fanampiana 2 tapitrisa Livres Sterling, manodidina ny 2,16 tapitrisa dôlara ho an'i Madagasika hotantanan'ny fandaharan'asa eran-tany momba ny sakafo na ny PAM izy ireo hanohanana ara-tsakafo ny mponina any atsimo.

Tombanana hatrany amin'ny 1 900 000 isa ny olona iharan'ny tsy fanjarian-tsakafo ambony any amin'iny faritra atsimo sy atsimo-atsinanan'ny nosy iny ankehitriny. Olona 1 000 000 isa no hoampian'ny PAM mandritra ny fotoan'ny maintso ahitra manomboka ny volana novambra hatramin'ny volana avrily 2023, ka ilàna hatrany amin'ny 61 000 000 Dôlara.

Efa misy ny tetik'asa lehibe hatao any amin'ny faritra atsimo iadiana amin'ny kere vokatry ny hain-tany. Maro ny ezaka atao ary misy amin'izy ireny no iarahana amin'ny PAM hoy ny ministry ny Fambolena sy ny Fiompiana Ramilison Harifidy. Misy ny iarahana amin'ny mpiara-miombon'antoka izay tarihan'ny governemanta. Tanjona ny hananan'ny mponina any amin'ny faritra atsimon'ny nosy sy ny malagasy sakafo.

Efa aparitaka ny voly mahataty ny toe-tany any amin'ny faritra atsimo. Isan'izany ny voly apemba (sorgo) sy ny voly bajira (mil), manampy ny voly nahazatra ny mponina hatramin'izay. Ny fiandohan'ity taona ity no nozaraina ny masomboly nahafahan'ireo mponina namboly ka nahafan'izy ireo nioty vokatra ka nahafapo ny vokatra niakatra tamin'izany. Efa miomana amin'ny paik'ady iatrehana ny mety ho fihenan'ny rotsak'orana amin'ity taona ity koa ny ministera hoy ny ministra Ramilison Harifidy.

[Miara-dalana] Zoma 25 nôvambra 2022

♦ Manao antso avo amin'ny herivelona rehetra ny Vaomieran'ny Eveka momba ny Rariny sy Fiadanana, hampanjaka ny rariny sy ny fandriampahalemana ary ny fanajana ny zon'olombelona... ♦ Tsy fifanoherana ny fahasamaihafana fa kanto ho an'ny Eglizy, hoy i Mgr Marie Fabien Raharilamboniaina, Evekan'i Morondava... ♦ Fahatokiana sy fitiavana no hafatra nampitain'ny Papa François ho an'ireo mpandray anjara tamin'ny hetsika momba ny foto-pampianaran'ny Fiangonana momba ny fiaraha-monina sy ny sosialy tao Verone, Italie...

Tohiny...

Fitiavana sy famonjena

Hafaliana lehibe ny Noely satria ny fitiavan'Andriamanitra no tonga amintsika, hoy i P. Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice, tamin'ny firarian-tsoan'ny Noely 2021. Tonga ny famonjena izay midika tsy faharahavan'ny fiainana. Io fitiavana sy famonjena io no irariana hanjaka ao amin'ny fiainantsika, ka hifanampy mba hiainan'ny fiadanana sy ny fandriampahalemana.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...