Lohahevitra : Mba ho vanona
Voadika amin'ny fiteny :  Français (France) 

Mila mifanampy ny fianakaviana, ary atao zava-dehibe ilay fomba fiheverana malagasy hoe "tantsoroka sy valy tanana". Mampifanakaiky am-po ary mitondra amin'ny fifampitokisana sy ny fahatokisan-tena ny fifanampiana ary ahafahana mpampivelatra ny fahefana anaty. Fandaharana "mba ho vanona", tontosaina eto amin'ny radio Don Bosco, iarahana amin'i Jeneraly Désiré Ramakavelo.

Lohahevitra : Andriano ny fahasalamana
Voadika amin'ny fiteny :  Français (France) 

Ny fitondrana vohoka dia maharitra 9 volana. Ilaina ny fanaraha-maso ny vohoka manomboka amin'ny fahaefa-bolan'ny vohoka. Mbola ambony ny taha-pahafatesan'ny reny eo am-piterahana ; 70% amin'ny reny dia tsy miteraka any amin'ny tobi-pahasalamana fa any an-tranony ihany, ary izay no isany antony hisian'ny fahasarotana. Ireo fahasarotana mety hitranga : fahaverezan-dra be loatra, fanafian'ny otrik'aretina (sovoka), fivainganan'ny ra amin'ny faritry ny tongotra ary ny farany dia tsy filaminan-tsaina. 45 hatramin'ny 50 andro, aorian'ny fiterahana dia ilaina hatrany ny manara-maso ny fahasalaman'ny reny sy ny zaza, hisorohana izay mety ho fahasarotana, fizaham-pahasalamana isaky ny herinandro...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ho famintinana ny fanabeazana ara-pahasalamana nifampizarana nandritra ny taona dia ireto tsara hotadidiana, ho fitandremana ny fahasalamana : voalohany fadiana ny manao dokotera tena satria ny fanafody dia omena arakaraka ny toe-pahasalaman'ny olona iray, ary indrindra, omena hamongorana ny aretina fa tsy hanalana ny fisehon'aretina fotsiny akory. Faharoa, tsara sy mahasoa hatrany ny fananana mpitsabo mahazatra izay mahalala tsara ny toe-pahasalaman'ny tena. Ary farany, raha misy tsy fahasalamana dia aleo ihany manatona ireo mpiasan'ny fahasalamana ara-dalana, nandalim-pahalalana  sy nahazo alalana hikarakara ny fahasalaman'ny olombelona.

Lohahevitra : Miaina sy mitia
Voadika amin'ny fiteny :  Français (France) 

Mariky ny fanantenana ny fanoharana momba ny Samaritana tsara fanahy. Manampy antsika izy hahazo ahoana ny tsy maintsy fitondrantenantsika manoloana ny olona miaina miaraka amin'ny VIH/SIDA. Tsy azontsika atao ny manilika na ny mampizaka azy ireo fitondrana tsy araka ny maha-olombelona na ny fanilihana. Tsy maintsy mikarakara azy ireo isika. Fandaharana "miaina sy mitia" iarahana amin'ny Centre Arrupe Madagasikara sy ny Radio Don Bosco.

Sous-catégories

Andriano ny fahasalamana

Miaina sy mitia

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...